يحـسـين انطيك اربع اخوه          جرُّبـهــم ســاعـات النخــوه

أولادي ومعـتـمـده اعليـهم          للمصــرع بيــدك ودّيــــهــم

* * *

يـالــنـاوي تــروح وتـگـطـع المسره          واتــعــوف الـمـديـنـه البيـك مزدهره

اخـــذ أربــع بـنـيـني اويـاك للهجـره          كــل واحــد جـفـن من عـيـني اعتبره

أقـدمـهــم هــديـــه لأمـــك الــزهــره          ولجـيتك أظــل يـحســــيـن مــنـتـظره

ريــتـك سـالـم من هالرحله          والـدنيـــه بغـيــرك ما تحله

وشـبــانــي لعـيـنـك أفديهم          للمصـــرع بيــدك ودّيـــهــم

* * *

أرويـلـك روايــه واســـمـــع الأخبـار          يـــبـنـي مـن گبـل تشـريـفـي بالكرار

ليـلـه امن الليالي غـمـضـت الأبصار          لــن عــيـنـي تـشـوف ابعالم الأسرار

تتنزّل ابحجري من الســمـه الأقـمـار          تفسـيـر الحـلـم هـالأربـعــه الأطـهـار

هــاي الأقـمـــار اتـوافـيـني          وگبـال الـزهره اتگر عيني

يـوفــون المـرضـع خليــهم          للمصــرع بيـــدك ودّيــهــم

* * *

أرويــلـك خـبـــر ثـانـي وإخـذ معـناه          طـفــل عـبـاس چان ايدورج ابممشاه

ســمع زيـنـب تـريــد الـمـاي تترجاه          زم بـيـــده الـجـدح والمـاي جابه اُياه

ومـن شافه ابوك اُسـبل دمــع عينـاه          ضمـه لصـدره قـبَّل يـســرته ويـمناه

لـهــذا المـوقـف دوم اتذكَّر          واتـأمَّـــل بـالـطــف يتـكـرر

واخـوانك بيك اُرد اوصيهم          للمصــــرع بـيــدك ودّيــهم

* * *

اوصيـهم بـزيـنب هاي اختـهـم هـاي          وادريــهــم يـوفــّون الـوعــد ويـــاي

كـافـلهـا گمر هاشـــم بــدر دنـــيــاي          نـــاديـتــه يـلـنَّك للـعـــــهــد وفـــــاي

أخـافن زينب اتـگلك أحس بضـمــاي          اعـصـــر گــلـبـك الها لو تريد الماي

كــل واحــد وصيّته اوصيه          اولادي وغـالـيـــن اعـلـيــه

لـوجــودك يـرخص غاليهم          للمصــــرع بيــدك ودّيــــهم

* * *

أولادي ذخــر للشــدد والكـــلـفـــــات          اطـلـبـهـم سـهـر ليلي وزماني الفات

أطـلـبــهـم تعـب گـلبي الحمل آهـــات          اطلبهم هـرش چــبـدي التـلوَّه ومات

اعــرفــهم نشـامـه وطـيـبـين الــذات          يوفولي التعب والسـهر والحـســرات

أولادي بســـاعــات الكلفــه          تتعـنـــه اليـنـخـاهـا ابلهـفه

والمـرضـــع هـوه ايدليهــم          للمصـــرع بيــــدك ودّيــهم

* * *

هـالاخوه الجفون وانتـه ضـي العـين          ودَّعـــنـي وأودعـك بـالـدمـع يحسين

مثلك وين يحصل يبني يحصل ويــن          بس لا يـاخذك من عندي حادي البين

مـن بعدك أجيب الصبر يبني امـنـيـن          ونيران الـــگـلـــب لا نــار لا نــارين

هـالنـيـران اتظـل مـلـتـهـبه          صرت اُشعر واُعلم بالنكبه

إخــوانــك روح ونـاديـهــم          للمصــرع بيـــدك ودّيــهــم

* * *

روح اطـلـع امـودع بالله يا مـظـلــوم          من بعدك عـيـوني مـا يمــرها الـنوم

يـا سـاعه تـرد من غـيبتك يــا يـــوم          لا تـتــرك دليــلـي امـصـوب ومـالوم

عگبك يبني راح احمل هظم وهمـوم          ومصـابــك بـعـيـن الأربـعـه مـرسـوم

مـيـهـم لــو راحـوا ما أهتم          بــس لـفــراگـك راح اتألــم

مـن عگـبـك مـا أهتم بيـهم          للمصــرع بيـــدك ودّيــهــم

* * *