گرت عيون علي ابهاي المسيه

الليله گلب المرتضی طایح سروره...وصل لعنان السمه هلیله نوره
بمولد العباس ابو نفس الغيوره...وهلهلتله زینب الحره الأبيه

وحيدر متنطره وشايل الرايه...يریده فارس للحروب من البدايه
ويدري بيه يگلب الكون وبیه کفایه...وينطي چفینه لبو اليمه هدیه

وحين جابوه لعلي حته يشوفه...دنگ اعليه الوصي وقبل چفوفه
وصاح يا عباس يا محله وصوفه...انته يا عباس سبع الغاضريه

ونادته زينب يمقياس الأخوه...انته كلك غيره يا راعي المروه
توه گلبي ارتاح يا عباس توه...وانه اختك عزيزه وهاشميه

انه اعرفك نشمي يا حامي الضعينه...انت ثار الباري يا حماي دينه
وانته يا عباس حامينه اولينه...وغيرتك غيرة علي حامي الحميه