صـــحـــت شــيــصــيــر .... ردت تــفــســيــر شـفـت  بـالـطـيـف  هـاي الـعـجـايب .... قمر مذبوح بين  الكواكب صـــحـــت شــيــصــيــر .... ردت تــفــســيــر أقّـضـي الـلـيـل سهرانة .. ذبل من السهر جفني.. يعيش وياي .. هضم  دنياي بـشـيـر  الـود رحل عني .. و لا لحظة يصادفني .. قطع رجواي .. هضم  دنياي مـن كـثـر الـتعب عيني .. غفت و النوم ضيفني .. نست عيناي .. هضم  دنياي لـن هـذا الـحلم شفته .. صحت تفسيره يكلفني .. فقد لي الراي .. هضم  دنياي نـــمـــت لـــحــظــات .... شــفــت نــجــمـات تـشـع و تـنـور وسـط الـمـحـامـل .... و عـلـيها الكون يمطر عواسل بــضــعــنــهــا تــســيــر .... ردت تــفــســيــر نـمت  لحظات كل لحظة .. عليّ جنها بشهر صارت .. شفت بالنوم .. قمر و انجوم شـفت  ذاك  الظعن يمشي .. شمس ويه الظعن سارت .. عليها اتحوم .. قمر و  انجوم تـراوالـي الظعن نوّخ .. بأرض كرب و بله اختارت .. أرض و تروم.. قمر و انجوم أرض  رفـعـت  روابيها .. باسمهم صاحت و شارت .. لفتنتي اليوم .. قمر و انجوم عـــلـــى الـــتــيــجــان .... بــنــوا صــيــوان خـيّـم  و اعـيـال وسـط الـبـوادي .... بـأهـلـهـا تحيط بيض  الهنادي و عـــلــيــهــا تــشــيــر .... ردت تــفــســيــر شـفـت مـن عـالم أحلامي .. صور خلتني اتذكر.. هداوت ليل.. رجال و  خيل صـور تـرهـب مـشاهدها .. الجبل من عدها يتدمر .. تهد الحيل.. رجال و خيل مثل موج البحر طفحت.. أظن سبعين ألف و أكثر .. احسبتهم سيل .. رجال و خيل تـقرب  هالبحر  يمي .. شفت لن هالبحر عسكر .. صحت يا ويل .. رجال و  خيل بـــحـــر طـــفّـــاح .... يـــفـــيـــض ارمـــاح اجـت  امـواج  خـيـل و كـتـايـب .... مـشهرة اسيوف صوب  المضارب تـــريـــد تـــغـــيـــر .... ردت تــفـــســيـــر عـقـب  ما هل البحر شفته .. شفت بالجانب الثاني.. شمس و بدور .. تشع و  تنور يـريـد الـبـحـر يـخـفيها .. لجنها بثوب عرفاني.. يحفها النور .. تشع و  تنور و  طـلـع مـنهم قمر يهتف .. أنا الدقيت صيواني .. بنيت اخدور .. تشع و  تنور و أخـوتـي الـلـي تزيل الهم.. تعاضدني اعلى عدواني .. تمد انحور .. تشع و تنور و اخـــونـــا الـــيــوم .... تــحــيــطــه الــقــوم قـمـر  و يـصـيـح و بـعـيـنـي شـفـتـه .... اذكرت عباس لمن  سمعته بــــلا تـــحـــويـــر .... ردت تـــفـــســيـــر أنـا  أم الأربـعـة بـقلبي .. غدت تمرح دواهي الهم .. لهيب النوح .. يفت الروح عـسـانـي مـيـته بطيفي.. و لا شوف الهضم خيّم.. نظر مشبوح .. يفت الروح شـفـت شـبه النبي الهادي .. بدر غاب بمسيل الدم .. وقع مجروح .. يفت  الروح مـثـل جاسم شفت كوكب.. وقع فوق الثرى امخذم .. لجن مذبوح .. يفت  الروح و  اشـــوف اشـــمـــوع .... تـــســـيـــل  ادمـــوع و شـفـت أقـمـار تـشـبـه بـنـيـنـي .... عـلـى التربان شافتها عيني بـــوعـــي و تـــفــكــيــر .... ردت تــفــســيــر بـحـزن و اطـيـوفـي شالتني.. دليلي مصّوب بهمه .. و بيابي العين .. رماها البين شـفـت  نـهـر الحزن يجري .. قمر متخضب بدمه .. شفت جفين .. رماها  البين طـفـت عـيني مثل عينه.. نفذ سهمي مثل سهمه .. صحت سهمين .. رماها  البين هـمـت وانـجـوم دنيايه .. اختفن نجمه بأثر نجمه .. و أصيحن وين .. رماها البين بــنــظــر مــصــيــوب .... شــفــت هــالــنــوب شـمـس عـل الـقـاع تـنـزف دمـاهـا .... عـلـيها اتنوخ أرض و سماها وضـــعـــهـــا يـــثــيــر .... ردت تــفــســيــر بـرعـب  فّزيت  من نومي .. تصّدع قلبي و ينادي .. بفكر محتار .. عرفت  اشصار القمر عباس عل الشاطي.. و نجوم الضاعت اولادي.. اختفت أنوار .. عرفت  اشصار الكواكب  الأكبر و جاسم.. هوت و اخفاهم الوادي.. بدمع فجّار .. عرفت  اشصار عـرفـت  الطيف  تفسيره .. الشمس ريحانة الهادي.. بدليلي النار .. عرفت  اشصار صـــحـــت يـــا حـــســـيــن .... رحــت لاويــن يـا ضـي عـيـنـاي بـعـد اشـيـجـيـبك .... أنشدك ليش طّول  مغيبك عـــن الـــتـــأخـــيــــر .... ردت تــفــســيــر