الحمدلـلـه علـــه نــذر الوفـيتـه...ابأربع اولاد ابواليمه فديتــــه
هله ابأولادي الرفعتو الأمكم الراس...وضـل ممنونـه الك يبني يعـباس
ــــــــــــــــــــ
ولــو فگد الولد يفجع گلب أمــــه...ويروح اويا عمرهه لو گبر ظمّــه
وآنه ام البنين البيهم اتسمّــــــه...الكل منهم تعب حيلي ابنگل همّـه
لا چني انذرتهــم والنذر ذمّــــه...اقدمهم فـــده لعيون ابواليمـــه
لبولسجاد بعد لوصــح بدّيــــــه...ألف عباس اقدمهم ضحيـــــــه
وبري ذمتي الفاطمه واتباهه بلناس...وضــل ممـنــونـه الك يـبني يعباس
ـــــــــــــــــــــــــــــــــــــ
تراني والده وحال ام ولد حـالي...الكل منهم روه امن اهروش دلالي
ومن عمري خذاله ايّام والـيالي...وعند امه الولد غالي ويضل غالي
وكل أم بلولد ترجه الثمر تـالي...ليّام الكبـر والقلــــّة الوالــــي
وآنه برباي وفو ديني وكفوني...وعند لحسين وفوّني وشرفونـــي
هـله ابأسمك يلــچسـيت الخوّه نوماس...وضـل ممنونـه الك يبنـــــي يعـباس
ــــــــــــــــــــــــــــــــــــــ
تـراني والـده والـفـاجـده اضـناهـه...حـگـهه امـن الـبچه لـو تعمـي عينـاهه
يلـتـفگد ولـد بلـثاني رجــواهــــه...وآنـه زفـيـت اولادي الــمـنايــاهـه
هـل أربــعه عــندي وريـت ويـاهـه...رحـت ودماي خل يجري عـله ادماهه
ولأمل چـان يوصلوني المنوتي...واذكر اشـلون تناخو عـد نخوتـــي
وابد مـنهم ما گطعـت الـظنه والياس...وضـــل مـمـنونه الك يبـني يعـباس
ــــــــــــــــــــــــــــــــــــــ
مــوضي عـين امــه الـولـد كـل الــعـين...وبـعين الگلـب يرميهه سهم البين
وآنـه اربـع مرامي وچـنت اگـول ايـهـين...لـو بس للوطن سالم يرد احسـين
تــرانـي ابـنيـتي يّـم الحسـن تــدريـن...افديـلچ بعـد لوچان عندي ابنـين
يم الحسين واخافن من حسبتي...مـا وفيتـچ يبعد اهلي ابخدمتي
والـچ ازرع ابطـف كربله ياس ابكـتر ياس...وضــل مـــمنــونـه الك يـبـنـي يـعــباس
ـــــــــــــــــــــــــــــــــــــــــــــ
تـراني والـده ومـثـل امهات اولاد...عــــگـبهـم مـا هـنالي لاشـرب لازاد
تعـب الأم طلـب ومن الـولد ينـراد...بيّام الكبر كــــــون الولــــد سـداد
ونـه اولادي وفـو ديني لـبولسجاد...وجـازاني الگـمر و اعـليّه كفـّه وزاد
مالك الماي ولا برد لهاتــــــه...ويملي الجود لبواليمه وخواتــــه
امـد شوفي اعله النـهر واصـرخ بلأنفاس...وضـل مـمنــونه الك يـبنـــي يـعـباس
ـــــــــــــــــــــــــــــــــــــــــــــ
تحچي ام الخدر عنـك يكـافـلهــه...وبـفــي بـيـرقـك من سار محملهه
تهاب الشمس منك لـو كسرضلـهـه...گــد مــا چـنـت يمشيّم تدللـهـــه
لومر الهوي وزينب يــزعـلهـــــه...تهـد والگـاع من غيضك تزلزلهـه
زينب اتگول چنت مستر دليلي...وخدري مهيوب حدر بيرق چفيلي
وابد لحدود الخدر مـاگربت ارجاس...وضل ممنونه الك يبنــــي يـعـباس
ـــــــــــــــــــــــــــــــــــــ
آمـرني الحـسين وگلّي ضـلي اهنا...ابـراله العليلــــه مـن عـگب عـيناه
ردت ويا اروحن ما خذاني اوياه...بگينه والمدينه موحـشه ابّلــــــياه
اصبـرهه وتصـبرّني عله فـرگـاه...ونتـربّه الـدرب وعيّونــــه الملگاه
لن بشر صاح رجع زينب زملهه...وراح احسين واخوها وكل اهلهه
شفـت تندب فاطمه وتلطم عـله الــراس...وضـل ممـنونـه الـك يـبــنـي يــعـباس
