چني اسمع صوت من وادی الطفوف...حسین للزوار فتح بوبه
وزارع انصاره اعله كل نقطة حدود...وتذكره اباسم اليطب مكتوبه
وفارش السفره عله كبر العراق...والصواني امتلتله ومصبوبه
خيمه يم خيمه ومضيف ابصف مضيف...والدلال امخدره ومنصوبه
هله بلزاير هله ايصيح العراق...وملگه محبوب ابحظن محبوبه
جفن مفروش وجفن تلگا غطاک...وملتک من وین مومطلوبه
وچای ابولسجاد والگیمر یصیح...وخبز حار اتریگک الحبوبه
وگلو للزایر یجی وکلشی ابلاش...عیب یدفع فلس من اجیوبه
الیجی من النجف یتلگا علي...علي بوب الجنه كلهن صوبه
اليجي من الحله بلقاسم يطوف...الرضا والكاظم تعزب ادروبه
وبوفاضل عله گنطرة السلام...يروي ماي الغيره من احبوبه
المذنب اعله الباب راح ايلاگی جون...ایفرغ ابصطل الزباله اذنوبه