مـن نـذكر مصاب الشافته العتره
يـا جـرح الـيطيب و يا أمل يبره
مـرت جـم مـصيبه ابعترة المختار
مـا يـبـره ألـمـها اشما تمر أدوار
يـوم الدفعوا اعله الزهره باب الدار
و اتـصـوب ضلعها ابضربة المسمار
و انـسـن الظلم من ظلموا الزهره
و اتـفـجر دمعنه من مصاب الباب
و انصبت علينه امصاب فوق امصاب
ساجد وي صلاة الفجر داحي الباب
طـروا هـامـتـه و اتيتم المحراب
و اظـلـمت الدنيه من طفوا بدره
و اغـتـر بإبن أبو سفيان و ابحقده
مـن بعد الصلح خان و نقض عهده
و دس سـم الـخيانه ابواسطة جعده
و لـن الحسن يقذف بالطشت جبده
و احسين اعله بو محمد جذب حسره
و من ظل بالطفوف ابلا معين احسين
بـالـحومه وحيد و حاطته الصوبين
عـيـن اعله الشريعه و للمخيم عين
جـسـم سهم المثلث جبدته نصين
و من دارت الخيل و رضضت صدره
و نـنـشـد يا مصيبه اليوم جمعتنه
و مـا بـيـن اللطم و النوح خلتنه
نـلـطـم عله الصادق نهل دمعتنه
انـواسـي الـمهدي الموعود غايتنه
و ابـكـل قلب نار الحزن متوجره
ون و انـحـب يـقلبي واجب الونه
عـلـه الصابوه بالسم و بكبر سنه
و الـبـيـه يـعتقد و القبره يتعنه
بـالـمـحـشر يطب مسرور بالجنه
و نـتـمـنه نزوره و نبجي يم قبره |
