يا ليلة الحادي عشر آه اشعظم هالليله
من جابو الماي وغدت ضجه ابحريم العيله
____________
ركظت رقيه اعله السگه ونادت اجف ياسگاي
لو تاخذ الماي وترد لو للرمح تمشي اوياي
هاليوم ثالث والدي عطشان ما شارب ماي
اغرفله بچفوفي العذب بلچن اروي اغليله
_____________

تغرف الماي ولو مشت من اچفوفهه يتبده
وما بين ابوهه والسگه اتجيب الدرب واترده
طفله وغصنها من العطش ذبلان مثل الورده
ومن وصلت الذاك الرمح قلت عليها الحيله
_____________
ما وصلت الربع الرمح كل ما تمد ايديها
بالخيزران اتعلگت تحني الرمح مابيها
حاولت يا ما حاولت رفعت جعب رجليها
گعدت تحن يم الرمح وسهرت اليل ابحيله
________________
يبجي على ابجاهه الرمح ظل ينحني ويطوه
من شافها هدها العنه وكامت تكوم وتهوه
حتى بعدوها توسلت بلجن بكايه مروه
ينزل الراس من الرمح اتشربه العذب وتشيله
_____________
كاموا يضحون العده شوف الدهر دولابه
حسبالهم طفلة عمر جابولها لعابه
وهي على ابوها مفرفره تبجي وتحن يابابا
والراس يتمايل غده يبچيلهه وتبجيله
______________
وكعت على راك الرمح وتريد تسهر يمه
لن من ظلام المعركه تسمع نوايح حرمه
يحبيبة انا عمتج ردي علي ياعمة
كلبي انفطر من لوعتج وانت بحزن ونحيله
_______________