ياحسين انموت نحيه ما نعوفك...ياحسين كلشي بالدنيا نشوفك
بكربلاء...الله شاء للبقاء
*****
ابيوت عفنه وعفنه اموال واهل...الموت ندري اوياك احله امن العسل
يالتگول اتخذوا الليلَ جمَل...حته لو ما تقبل اوياكم نظل
ندري بيك...انت ما تحتاج واحد
ندري بيك...بس نحبك الله شاهد
والولاء...الله شاء للبقاء
*****
ما طمعنه بجنّه يبن ام القُره...ولا مخافة نار من نبگه تره
عدنه حبّك اكبر امن الاخره...كالاضاحي للذبح نلزم سره
لو نموت...اتصيح بالطف ماكو ناصر؟
لو نموت...انگوم بس بلا مناحر
يا دماء...الله شاء للبقاء
*****
بشيبته الكاهلي اكبالك يعتذر...من زمن جدك قدومك ينتظر
كربلاء ايگول اجمل من بدر...اثنين هنّه ننتصر لو ننتصر
بالنزال...تشد ظهره من يقاتل
بالنزال...حاجبه اعله عيونه نازل
بالرداء...الله شاء للبقاء
*****
انعاتب ومن يستحق هذا العتب...اكو عبد الله واكو عبد الذهب
الدين غالي انت اعرف بالسبب...ايعوف دينه لخاطرك باجر وهب
والصليب...خل تسلبه اجيوش اميه
والصليب...المهم ترچية رقيه
بهالعطاء...الله شاء. للبقاء
*****
يرحم الله روح ابا ذر الابي...جون رافع راسه يم الطالبي
صاح آنه الكربلائي الزينبي...بيّض الله وجهه گدام النبي
مو بلال...جون عند الزهره اقرب
مو بلال...شگد جبير ويمّه تنحب
والبكاء...الله شاء للبقاء
*****
ماكو داعي الجنه النه تنعرض...اتروحلك فدوه السمه طول بعرض
حافي يطلع عابس ويركض ركض...وصل حاله ما وصلهه اهل الارض
بالجنون...اعقل الناس بغرامه
بالجنون...لهسّه تتفاخر عمامه
بالفناء...الله شاء. للبقاء
*****
انطينه كلمه لشيخنه بعز وفخر...سيدتنه زينب لگطع النحر
للشريعه مو فقط يمشي الگمر...كلنه راح نجيب ماي امن النهر
والخيام...تبگه محروسه بهممنه
والخيام...بيد ابن ظاهر علمنه
للفداء...الله شاء. للبقاء