يا بسمة أفراح الزمن...يبن الحسن يبن الحسن
شيعه وننخاك...مولانه
هيمنه اهواك...مولانه

بميلادك اعذيب الهوه...نشتمه وسهرانين
ولهل الهوه حبك هوه...وملتمه ومعيدين
ماي المحنه اشقد روه...للبسمه مشتاقين
عون الذي بشوفك حوه...بالرحمه دنيه ودين
ما غيرك ايفل المحن...تعلم علينه اتكاثرن
شيعه وننخاك...مولانه
هيمنه اهواك...مولانه

عن حب ولاكم ننفصل...يردونه لا هيهات
ونتمسك بحبل الوصل...يدرونه بهالجلسات
أحرار ما نرضه نذل...خيعونه العلحب مات
ابحبكم عملنه ينقبل...مضمونه للطاعات
يخسه الوهابي اشما رمن...كثرة سهامه وصوبن
شيعه وننخاك...مولانه
هيمنه اهواك...مولانه

يا روضة الجنه التفح...بعطورك بالميلاد
وانكشف عامود الصبح...من نوره والحب زاد
يومك مثل يوم الفتح...بظهورك عالميعاد
بس الذي يشافي الجرح...دستورك بالإرشاد
ليامك انعدها ويجن...نتمنه ميخيب المضن
شيعه وننخاك...مولانه
هيمنه اهواك...مولانه