اسجد يا قمر هذا ضوه احسين...سلم عالنبي وصلي ركعتين
بو السجاد نور العين أبو السجاد

بو السجاد يا محله خصاله...اسمه امسجل ابعرش الجلاله
خامس نور من بيت الرسالة...ابعطره انغمرت اورود الاصالة
بارينه ابكثير احسانه سماه ...وابأطهر حجور الهادي سماه
بيه اتهنه قلب الدين أبو السجاد

اسجد يا قمر واقهر غرورك ...خلنه ابهالمسة نجرح شعورك
هالدنية بعد ميهمها نورك ...لتظن تنتظر ساعة حضورك
ما تغرينه انته ابهالاضاءة ...دام احسين اجه وشع ابضياءه
شمس واتلوح بالكوين أبو السجاد

هذا احسين وهاي اوصافه تشهد...ورد الدنية من ألطافه ورد
لو شافه البدر صلى على احمد...وابسجدة شكر للباري ردد
سبحان العلي ربي وبحمده ...ابشوفة هالبدر واجبة السجدة
بدر رابي ابحضن بدرين أبو السجاد

بعد السجدة يتعاله ابدعائه ...يا رب السمه ارزقني ولائهه
مبخوت اللي يمشي ابظل ولائه...وياحظ كوكب يشع ابسمائه
وارسمني على خدينه شامه ...لا تحرمني من سجدة غرامه
أظل خادم اله ابكل حين أبو السجاد

يحسين الغزل باوصافك احتار ...با بيت القصيد ابأحلى الأشعار
ينزل هالبدر وياه الأقمار ...وابنور الوفه ايضويلك الدار
ابشوق الورده لاحضان البساتين ...للبيعة اجوا كلهم موالين
ابقلب مشتاق متعنين أبو السجاد