(هذا عباس)
شهم و الراية بيده...هذا عباس
أخو حسين و عضيده...هذا عباس
رفع راس العقيده...هذا عباس
أبو السيرة الحميده...هذا عباس
(صحنه عباس)
بحر من المكارم...صحنه عباس
قمر ليل الهواشم...صحنه عباس
بطل سجل ملاحم...صحنه عباس
غيور و ثغره باسم...صحنه عباس
(انخه عباس)
إذا عندك قضية...انخه عباس
أبو اجفوف السخية...انخه عباس
كفيل الهاشمية...انخه عباس
أبو النفس الأبية...انخه عباس
(اسمه عباس)
علي ايقول انتخبنه...اسمه عباس
لأن يحمل غضبنه...اسمه عباس
قمر يضوي بدربنه...اسمه عباس
أحب كل شيعي ابنه...اسمه عباس
(نادي عباس)
يالتدور شفاءك...نادي عباس
إخذ منه دواءك...نادي عباس
حشه ايخيب رجاءك...نادي عباس
شهم يسمع نداءك...نادي عباس
(قبره عباس)
يفوز اللي تعنه...قبره عباس
تفوح الغيره منه...قبره عباس
عياده اتعرف عنه...قبره عباس
أمل كلمن تمنه...قبره عباس
(عدنه عباس)
عدونه شنهي عندنه...عدنه عباس
أبو الشيمه ضمدنه...عدنه عباس
تكفلنه و سندنه...عدنه عباس
نقصده و ما يردنه...عدنه عباس
