وعلي لو زينب نختني بضيجهه
الا اهد والخيل ايبس ريجهه
ولون تنخاني ام عون ٭ إلا اخلهم يبچون
ابوفاضل٭ ابوفاضل٭ ابوفاضل٭ ولنعم

ولو نختني ام عون اهدن .. واطوي گاع الله طوي
حرورة مني الشمس تاخذ .. إلا اچوي الطف چوي
على الملگى يفور گلبي .. فورت ادلال ابدوي
راح اطب مفرع الها .. وانتي صيحي الجوي
مثل امي شلون تنكت بالهدم
هيچ اكض الطف وانكته من الزلم
مني وين يشردون! .. .. إلا اخلهم يبچون
ابوفاضل٭ ابوفاضل٭ ابوفاضل٭ ولنعم


شنهي ذول ام عون شنهي !. غير اخوچ يشم هوه
ما اجر سيفي عليهم .. تكفي عصاة اللوه
زينب اوديلي كلما اهد فنجان اگهوة
وشرط من دلال اخوي .. حسبي اخيج لو روه
لو شرب منچ وراح الدوره
طگته راح اتصير بيهه مروره
بيهمـ يضيچ الكون .. .. إلا اخلهمـ يبچون
ابوفاضل٭ ابوفاضل٭ ابوفاضل٭ ولنعم

حسبي ماكو طف انتهى الطف .. بيدي لو اكض الرسن
ينخسف ظهر المطهم .. لو خواتي هلهلن
من اغيرن راح الچهمـ .. بيدي واطحنهم طحن
وهد ابو فاضل ويسمع صوت لن من الوطن
ثاري صوت ام البنين اتريده
يحطهم ويعصرهم بچف إيده
گلهه إي ينعصرون .. .. إلا اخلهمـ يبچون
ابوفاضل٭ ابوفاضل٭ ابوفاضل٭ ولنعم

فل رسن المطهم وهد .. غدت بالطف ضغبره
چيم گام بسيفه يكرف .. كرف وترد ليوره
الحومه حط سيفه حدرهه .. وذبهه يم الآخره
بعصبة ام الخدر ثاري .. من طلع شد اظهره
شما بسيفه اتشوف طارت هامه
العصبة تنضب حيل فوگ احزامه
لعصبة اختي ممنون .. .. إلا اخلهمـ يبچون
ابوفاضل٭ ابوفاضل٭ ابوفاضل٭ ولنعم

امچان ماضل بجهنم ..طفحت خيل وبشر
اتگله كافي مچان ماكو .. گلهه خل تاخذ سقر
حشمت طفحت وادم .. شيل إيدك يالگمر
وگلهه ماكو اليوم فكه .. سيفي إگرابه انكسر
هلهلتلي ام عون واشتد حيلي
ياجهنم زلم عبي وشيلي
اليومـ انبشه المدفون .. .. إلا اخلهمـ يبچون
ابوفاضل٭ ابوفاضل٭ ابوفاضل٭ ولنعم

التفت يمنه وشاف الاكبر.... كله ها عمي اشحصل
كله عمي ايكول ابوي .....الدم للمخيم وصل
اتبسم العمه اخو اسكينه .....التفتو وشافو نخل
فارس ابخاجيته يومي ..... ايصيح شنهي السيفي ضل !
ثاري هذا حسين البخاجيته ... ايصيح شنهي السيفي جا خليته
لسيفي خل چم مليون .. .. إلا اخلهم يبچون
ابوفاضل٭ ابوفاضل٭ ابوفاضل٭ ولنعم

وراح ابوفاضل لاخيه .. بگصته باسه وشمه شم
حسين هم حبه عله صدره .. وشبگ شيال العلم
وكله خل انهد سويه .. وشاف الحسين ابتسم
وهدوا وعل غاضرية .. سيوفهم نفخت حمم
حسين والعباس طبوا ليهه
چا الليلة الحومه شيضل بيهه!
العرك شد ويهوسون .. .. إلا اخلهم يبچون
ابوفاضل٭ ابوفاضل٭ ابوفاضل٭ ولنعم