زيّن المعبود ملكه بالرسول او عترته – تمم ابحبهم على الناس دلايل حجته
ازينت الارض ابنبتها اليزهر ابورد اوثمر
والنبت لـو ماجـره الماي ابـگاعه ما ظهر
احتيت هاي الارض بالمايا ليجري امن البحر
والبحر لاجل الأيمه اخلقه الباري ابقدرته
--------
وزين الباري السمه ابنور نجم يجلي الظلام
والنجم ما ســطع الّه ابــنور ايمتنه الاكرام
والبـدر والشــمــس زينـه لليالي والايــام
ولاشمس لوله الأيمه اوبدر شع ابطلعته
----------
ماخلق رب البريه العالم اوخلقه العجيب
إلّه من نور محمد صوّره النفسه حبيب
وارسله للناس رحمه ولعد علتها طبيب
يبري علة الكفر منها بالاسلام اوحكمته
چلمة الاسلام بيها اتجمّعت كل الحكم
والذي بيها تمسّك نجّحه الباري اوسلم
لاچن الينكر الاسلام هوه ابحر العدم
يعثر ابدنياه اوترميه الجهنم عثرته
-----------
چلمة الاسلام كلمن راد بيها يقندي
يشهد ابألله ورسوله او بالأيمه يهتدي
كل فرد من الأيمه بالمثل مثل الجدي
والجدي المايستدل بيه يزل عن قبلته
------------
مال هاي الناس امست هايمه ابوادي الغوه
تنحر الظلمه اوتنكر كل دليل اوكل ضوه
ابأهل بيته راد باري الكون يجمعها سوه
لاچن الناس ابجهلها ضالّه ومشتته
-------------
بالرسول وأهل بيته بيّن الحق واليقين
اوبيهم المعبود فضّل عالديان المسلمين
ختم بالهادي النبوه واكمل ابحيدر الدين
اولانبي من عـگب عينه اوغير حيدر لافته
-------------
يالمحب هاي العقيده الزم عليها الثبات
ابغير حب آل الرساله لاتضيّع هالحياة
بحر دنياك الغويه عبرته ابوقت الممات
اتخذ حب الميامين سفينه العبرته