قصيدة في حق العباس عيه السلام
عباس إنته الباب لبن الزهره – تشبه الحيدر من چان للمصطفه هاديها
.....................
چان حيدر باب علم المصطفه سيد الرسل – ابطول عمره تابع امره إشما يوجها يمتثل
وانته ياعباس مثله اويه ابو اليمه متصل
إگضيت عمرك متّبع لإعازه
لو عالمنيه ابمشيتك بـچتل اوتوصل ليها
...............................
يعباس اشلون ابوك الفحل نسه المصطفه – اثنين وثمانين غزوه النارها شب مرهفه
وانته مثله لبو اليمه صدگ أدّ يت الوفه
أوحد الوفه يابو الفضل أديته
أوخوتك اويه المظلوم واعداك تشهد بيها
..................................
يشهد والك يبو فاضل من نطرت الـﮕنطره – مثل مابفراش احمد نطر عودك حيدره
اويوم ردليك ابو الحمله اجثثها أموطّره
بيك ابشروا فخرك للطف عودك
اوضم روحك اليوم حسين وصّاك إله تفديها
.......................
اويوم حيدر حامه ضعنه اوطلع رغم المشركين – اوفده ابروحه الفاطميه أووصل سيد المرسلين
إنته مثله يعباس إتـچفّلت ضعن الحسين
ومن المدينه الكربله حاميته
ابروحك اوسيفك والواك يمشكر إمباريها
.........................
يشهد الكيبو فاضل يوم خيّمت الطفوف – من سواد الليل لمن تصبح اومهرك يطوف
تسمع ابأسمك الشجعان اوتتخطّر الخوف
لليوم لوعت سطوتك تتدوّن للمحشر اوماينسون يبن الوصي طاريها
باسك اوفضلك وابائك للقيامه ينذچر – وإلك مشهودات كثره ياشهم ماتنـچر
ناحرت ذيـچ الرجال البلوغه ماتنّحر
أولمّن ملكت الماي واتوليته
بان الإبه من ذاتك وآثرت اخوك اعليها
......................
يبو فاضل يشهد الك من نويت ابمهجتك – اتوصل الماي العضيدك وهم صاروا قبلتك
فتك بيهم باس عزمك حيف المـﮕدر فتك
------------------
