ألـتـفـت و أصـرخ يحماي الظعينه ... يعباس يعباس
الـلـيـلـه من درب اليسر يمك لفينه ... يعباس يعباس
اعـلـيـك حقنه و بالمثل حقك علينه ... يعباس يعباس
بـالـقـبـر نـايـم نـعذرك يا ولينه ... يعباس يعباس
ابـقـطـع جـفك للفخر قطعوا يمينه ... يعباس يعباس
بـس نـزورك إجـيـنه و نرد للمدينه ... يعباس يعباس
انته روحي و أغله من روحي و حياتي ... يمظلوم يمظلوم
و آنـه اخـتـك يمك أحسب نايباتي ... يمظلوم يمظلوم
خـويـه تـدري بموتتك صارت مماتي ... يمظلوم يمظلوم
إمـن الـمـصـايب صرت أتمنه وفاتي ... يمظلوم يمظلوم
قـطـع نـحرك خويه سبب فاجعاتي ... يمظلوم يمظلوم
و الـيـسـر وجـر لهيب امكدراتي ... يمظلوم يمظلوم
و انـتـه يالأكبر جمر فقدك توقد ... يمصيوب يمصيوب
و آنـه عمتك زينب و حزني تجدد ... يمصيوب يمصيوب
ابمصرعك جنه إنصرع جدي محمد ... يمصيوب يمصيوب
و أحـس شمل العايله ابفقدك تبدد ... يمصيوب يمصيوب
الموت بالطف السفك دمك ترصد ... يمصيوب يمصيوب
وشكثر فقدك صعب دم عيني يشهد ... يمصيوب يمصيوب
و انـتـه يـبـن الحسن محتار بمصابك ... يجسام يجسام
لـيـلـة الـزفـه انطفت شمعة شبابك ... يجسام يجسام
إبـدال حنت جفك امن الدم خضابك ... يجسام يجسام
مـوتي أسهل عندي و أهون من غيابك ... يجسام يجسام
مـرضـعـك طاهر و للتضحيه جابك ... يجسام يجسام
رغـم زغـرك جـانـت الدنيه تهابك ... يجسام يجسام
و انـتـه يـعـبدالله فقدك عز عليه ... يمذبوح يمذبوح
الـوالـدك يـالـطفل سلمتك بديه ... يمذبوح يمذبوح
ضـامـي و إسـقاك السهم دم المنيه ... يمذبوح يمذبوح
لـلـمـخـيـم والدك جابك إليه ... يمذبوح يمذبوح
قـلـي يـا زينب مضت بينه الرزيه ... يمذبوح يمذبوح
ريـت أمـوت و لا أشوف الغاضريه ... يمذبوح يمذبوح
بـالـخـتـام أختمها للوالد و أحشمه ... يحيدر يحيدر
هـذا شـبـلك عالرمال إنصرع جسمه ... يحيدر يحيدر
يـا عـلـي ابـجرح السماء ايفيض دمه ... يحيدر يحيدر
ابـهـشـم صدره اتذكرت بمصيبة أمه ... يحيدر يحيدر
هـذا قـلـبـي بـالمصايب يشكي همه ... يحيدر يحيدر
و الـمـصـاب ابطبرتك أنحب و أختمه ... يحيدر يحيدر |
