هذا صوت العاشقين...ما نعوف أم البنين
عهد هذا و بالدماء انوقعه...ما نعوف أم البنين الأربعه
صوت من جوف الحناجر نرفعه...شافعة و للموت تبقه شافعه
و احنه شيعة و مخلصين...ما نعوف أم البنين
هذا عهد أم البنين الفاضله...قدمت أربع شباب بكربله
صاحت امقصره يبن سيد المله...دم اخوتج بالطفوف أستقبله
و انتي دنيه و انتي دين...ما نعوف أم البنين
هذا صوت و يدوي بأرجاء الفضه...نبقه شيعة و غصباً اعله الما رضه
و ألف هنياله بقبرها من حضه...يمته توصل للبقيع الرافضه
نرفع الصرخه بيقين...ما نعوف أم البنين
احنه شيعة و نبقه شيعة و ما نعوف...حته لو قطعوا من عدنه الجفوف
احنه عدنه اجروح تضحك عالسيوف...نبني قبر أم البنين و بيه نطوف
للشهاده اموقعين...ما نعوف أم البنين