» احفر نهر يا محجر العين...اروي الخبر عن السجينين  » يا مجير ابلا إجاره...بارك بهاي الزياره  » ليل الغاضرية...شفته بكل مسية  » عالگاع قرآن محبوس...مفروض ينشال عالروس  » صبرك كليم...ويه الرحيم  » بالله نزل النعش يا شّياله  » يا أمير ابن الأمير...سبحه بجفوفك نصير  » ما نعوفك هيهات موسه ابنَ جعفر  » آنا الغريب العل جسر...عدواني خلوني  » إمامي إبساعة المحشر...أندبه إبشدتي يحضر  

  
  • أضف الموضوع


  • الشاعر كرار حيدر الخفاجي
    06/02/2018م - 11:51 م | عدد القراء: 729

    فاطمة الزهراء عليها السلام


    لولا وجودج عالأرض...ما صارت الدنيه
    لا الله يخلق له نبي...ولا ينبعث وحيه
    انموت بخدمتج فاطمه...و بخدمتج نحيه

    قبلما ينخلق آدم قبلما تنخلق حوه...سواج الله زهراءه سبحانه الذي سوه
    لولاج الله يطفيها الشمس و القمر ما ضوه...ما يخلق محمد قط لو ما يولدج هوه
    خلقج لغز سر طلسم مبهم ميتفسر...لولاج أحمد منخلق و لا منخلق حيدر
    بيمناج أمر رب السمه و بيسرتج نهيه...و بخدمتج نحيه

    لولاج الله ما يرفع سماءه و لا دحه أرضه...اسمج كون يا فاطم قبل منقول نتوضه
    اليخدمج ربج اموفقه و بعلو النجم حظه...ما أدري اشكبر حظها و خادمتج غذت فضه
    لا مريم و لا آسيه وصلن ترب جدمج...حته الملائك تندعي و تستغفر بإسمج
    وشجم نبي البابج سعه و اتقرب بسعيه...و بخدمتج نحيه

    إذا ما نشكرج يعني نجحد هذا معروفج...نعوف الله و شرع دينه إذا يا فاطمه انعوفج
    اشما قلنه يفاطم بيج أعظم و أكبر انشوفج...شيوصف عظم قدرج محمد بايس اجفوفج
    كان النبي من يقصدج وهوه نبي و مرسل...ما يدخل الدارج قبل يطلب إذن أول
    حته محمد يسألج و يشورج برأيه...و بخدمتج نحيه

    ما جنه بزمانج يالخلقنه الله بزمن أبعد...بحرق الباب لو جنه رقاب بعتبتج تنمد
    ألف عام و كسر مرت و حزنه بيج يتجدد...الليالي الفاطمه من تمرنه نلبس الأسود
    و الما بجه الكسر الضلع مو من ظهر طاهر...و الما لعن ربع العجل وياه ينحشر باجر
    يا فاطمه و عين الما تنحب إلج عميه...و بخدمتج نحيه

    يريت اضلوعنه انكسرت و لكن ضلعج اليسلم...يريت اخدودنه انسطرت و لا خدج يسيل الدم
    يريت أطفالنه اتيتمت و لا لحسين يتيتم...عساها اقبورنه انجلهت ولا قبرج يزهره أظلم
    لو نستمر بهالحزن لو ثارج انرده...كل جيل يرحل رايته يسلمها للبعده
    فضلج عظيم و هالحزن بيه ندفع الجزية...و بخدمتج نحيه

    بحزنه اعليج يفاطم فوز الآخره انضمنه...قليل اوياج إذا نجزع لو حته العمر يفنه
    التبجي بمجلسج عينه يبني بقصره بالجنه...ابقصر و بجنه شيسوي الانتي راضية عنه
    يكفي رضاج و هالرضه عالجنه يغنينه...ما عدنه غيرج فاطمه وحدج تغيثينه
    جم يوم و يقضي العمر و الدنيه منتهية...و بخدمتج نحيه   



    موقع القصائد الولائية © 2004 - 2013