» المجالس الفاطمية-المجلس العاشر  » المجالس الفاطمية-المجلس التاسع  » المجالس الفاطمية-المجلس الثامن  » المجالس الفاطمية-المجلس السابع  » المجالس الفاطمية-المجلس السادس  » المجالس الفاطمية-المجلس الخامس  » المجالس الفاطمية-المجلس الرابع  » المجالس الفاطمية - المجلس الثالث  » المجالس الفاطمية:المجلس الثاني  » المجالس الفاطمية-المجلس الأول  

  
  • أضف الموضوع


  • الشاعر جواد الخطيب
    31/01/2018م - 11:42 م | عدد القراء: 590

    فاطمة الزهراء عليها السلام


    شيصبر الدمع...يا حيدر
    يم باب الضلع...يا حيدر
    ريت آنا صابوني...بويه
    شيصبر اعيوني...بويه
    يم باب الضلع...يا حيدر

    يم بابي...اجيت أشكي الحزن و الهم
    و عله اعتابي...أشوف ادموع بس من دم
    إجيتك يا علي ابهمي...اهنا كسروا ضلع أمي...و لن دمي
    طاح اويه الصبر...يا حيدر
    وذاك الكسر...يا حيدر
    حسراتي بجفوني...بويه...شيصبر اعيوني...بويه
    يم باب الضلع...يا حيدر

    عله اسنيني...لفت يمي ليالي الجور
    ابدمع عيني...أداوي آنا الضلع مكسور
    و أحضنه بدمعتي و نوحي...و أداوي اجروحه بجروحي...و هم روحي
    للمحسن يصد...يا حيدر
    ممرود الجبد...يا حيدر
    و بمصابه فجعوني...بويه...شيصبر اعيوني...بويه
    يم باب الضلع...يا حيدر

    تصد عيني...على أمي بقلب ينحب
    تناديني...جن أسمعها يا زينب
    و تصد للحسن بالعين...و اتصبره اعله جرح البين...آه يحسين
    يحضنها بجمر...يا حيدر
    و حسرات العمر...يا حيدر
    مرسومه بضنوني...بويه...شيصبر اعيوني...بويه
    يم باب الضلع...يا حيدر

    عله اجروحي...لفاني الليل بالحسره
    خطف روحي...و أخذ من دنيتي الزهره
    حضني الجنت أشمنه...يا وسفه أنحرم منه...أودعنه
    وي دمع العسر...يا حيدر
    راحت للقبر...يا حيدر
    بدفنتها دفنوني...بويه...شيصبر اعيوني...بويه
    يم باب الضلع...يا حيدر

    يحامي الجار...أدري بقلبك و علته
    بباب الدار...ضلعك منكسر شفته
    طحت و بطيحتك حسره...اعله ضلع الطاهره الزهره...بالعبره
    اتناديها بحزن...يا حيدر
    مجروح الجفن...يا حيدر
    منج يحرموني......شيصبر اعيوني...بويه
    يم باب الضلع...يا حيدر  



    موقع القصائد الولائية © 2004 - 2013