لو شمع لو دمع يبني جاسم...أفرح بزفتك
أبجي لمصيبتك...يبني جاسم
يا عزيزي أرد أنشدك و الجوابك خل أسمعه
لو قلت لي الليلة عرسي و الزفافي ضوي شمعه
هذي فرحه مو مصيبة قلبي ما أقدر أقنعه
حقي يبني لو شفتني نزلت من اعيوني دمعه
سلوتي...بدنيتي...ما كو غيرك
و أنتظر فرحتك...أبجي لمصيبتك
أفرح بزفتك...يبني جاسم
يالرضعتك من حناني و انتظرتك يبني تكبر
و بالأماني أقضي ليلي انت تغفه و آنا أسهر
كل حسابي تبقه يمي و بوجودك يبني يعمر
و أنسه همي من أشوفك نظرتك قلبي يستر
صورتك...بسمتك...سر وجودي
كالبدر طلعتك...أبجي لمصيبتك
أفرح بزفتك...يبني جاسم
انت ابني و آنا أمك كل وكت طبع المحنّه
حقه قلبي الليلة يسأل خاطري او يا ما تمنّه
يتنه عرسك و أمنياته يعجن الهالفرحة حنه
يالتركته بحيره خايب و انقطع يوليدي ظنه
وشبعد...يالولد...رد جوابي
ارحم الربتك...أبجي لمصيبتك
أفرح بزفتك...يبني جاسم
يالقلت لي باركي لي و انسي أحزاني و مصابي
و خلها يُّمه ابمجره دمي ترتوي وردة شبابي
اسمحلي يبني لو جرحتك من كثر لوعة عتابي
ناشدتني و التخبرك دمعتي البيها جوابي
من أون...لو أحن...حقي يبني
اشايف ابدينتك...أبجي لمصيبتك
أفرح بزفتك...يبني جاسم
الواحد انت يا عزيزي ثاني غيرك ما كو عندي
جنت أظنك تجوه يبني لو زماني يحني ظهري
و من أموتن نعشي بيدك تحمله و اتنزله قبري
ساوي لحدي و اعله صدري دمعتك يوليدي تجري
حسبت...لو متت...انت يمي
و أنحرم شوفتك...أبجي لمصيبتك
أفرح بزفتك...يبني جاسم
و يا مصيبه الصوبتها ساعة الشافت ولدها
لن تنظره دامي نحره حضنته ابلهفه ضمدها
اتقله أمك يالعفتها يبني غيرك ما كو عندها
ابعز شبابك يالمصابك جرحه قلب أمك ضهدها
حضنته...و نادته...اشلون أشوفك
والدمه حنتّك...أبجي لمصيبتك
أفرح بزفتك...يبني جاسم
