» ساوموني...و آنا ما ساوم على بيعة أميري  » يا علي الأكبر صفاتك من صفات الأنبياء  » نور لعيوني و ضواي...من هواك اشتم هواي  » يم بابك و محتاج مديت اديه...كل مائدة جبريل نزلت عليه  » يا با الفضل جيب الماي لطفالك العطشانة  » هوسات في حق العباس بن علي عليهما السلام  » قوم هذي رايتك...يا با الفضل  » أربع كواكب متقدمه...هدية مني يا فاطمه  » ابجاه النبي و فاطمه و علي...أتمنه ترجع يحسين إلي  » يا بالفضل أدريك...همة علي اتباريك...يا شمعة اسنيني  

  
  • أضف الموضوع


  • الشاعر هيثم سعّودي الكربلائي
    20/10/2017م - 1:15 ص | عدد القراء: 203

    ملا جليل


    يحسين سهمك صوبني...يحسين همك شيبّني
    مجروح...قلبي اينوح
    يا مذبوح...يا مذبوح

    يبن أمي جنا اخت و اخو بروض السعد نتهنه...قلبين لا شفنه القهر لا طقنه طعم الونه
    اختك أنا بجالك جنت أتدلل و أتمنه...و انت الاخو وشلون أخو سيد شباب الجنه
    أرتاح...عيني من اتشوفك
    و قداح...نسمات اطيوفك
    أيام...جنها أحلام...يا مذبوح...يا مذبوح

    عيني تشوفك و الفرح يكبر يخي وي عمرك...خويه و لون قلبي انجرح أركض و ألوذ بكترك
    و ما أنسه ذيج امجبتج و لا أنسه بسمة ثغرك...و لا أنسه جدي بيوم إجه و من قبلك من نحرك
    مهيوب...و يحب اوليده
    محبوب...و يحب مو بيده
    و لن ساح...دمعه و صاح...يا مذبوح... يا مذبوح

    دار الفلك بينه و جفت أيامنه المزدهرة...بيوم الفقدنه المصطفه و صوب دليل العتره
    و أول جرح من ينفتح لازم يطيب و يبره...لاجن جرح فوق الكسر شيضمده و شيجبره
    المختار...هاجت له ادموعي
    و مسمار...نابت بضلوعي
    و امصاب...فوق امصاب...يا مذبوح...يا مذبوح

    ما ينحزر غدر الزمن يا هو السلم من غدره...و خلاني محنية ظهر و بزغري أسجب عبره
    و ما تمت أيام الحزن لمصيبتي بالزهره...و لني فقدت المرتضه و متخضب امن الطبره
    ما بين...بابه و محرابه
    سهمين...صوبني اصوابه
    غدار...دهري جار...يا مذبوح...يا مذبوح

    و ذاك الدمع يوم الجره دمه اعله وجنت خدي...بالطف صرت أتذكره يوم العفتني وحدي
    حرمة و غريبة ابلا ولي و لا خيمة ظلت عندي...و بالغاضرية اتجمعت كل النوايب ضدي
    و نيران...و اسهام و عسكر
    و رضعان...و أيتام و خدر
    و إخوان...عالتربان...يا مذبوح...يا مذبوح

    و هذا الصفالي اعله الترب كل اخوتي مذبوحه...و رايتنه و اتشوف الوفه فوق النهر مطروحة
    و كل البقه بعدك إلي ابنك يجود بروحه...و عنك مشيت اميسره و عيني إلك مشبوحه
    و ناديت...عنك بعدوني
    و يا ريت...قبلك ذبحوني
    و الموت...ردت الموت...يا مذبوح...يا مذبوح



    موقع القصائد الولائية © 2004 - 2013