» احفر نهر يا محجر العين...اروي الخبر عن السجينين  » يا مجير ابلا إجاره...بارك بهاي الزياره  » ليل الغاضرية...شفته بكل مسية  » عالگاع قرآن محبوس...مفروض ينشال عالروس  » صبرك كليم...ويه الرحيم  » بالله نزل النعش يا شّياله  » يا أمير ابن الأمير...سبحه بجفوفك نصير  » ما نعوفك هيهات موسه ابنَ جعفر  » آنا الغريب العل جسر...عدواني خلوني  » إمامي إبساعة المحشر...أندبه إبشدتي يحضر  

  
  • أضف الموضوع


  • الشاعر كرار حسين الكربلائي
    05/10/2017م - 9:30 م | عدد القراء: 675

    مرقد الامام الحسين (ع)


    ننتظر هذا اللقاء...كربلاء يا كربلاء

     

    يا مليك احساسنه...يا أمير أنفاسنه...قسم بالله

    ايذّبحون انحورنه...انصيح من اقبورنه...واحسيناه

    للأبد باقي العزاء...كربلاء يا كربلاء

     

    يا حلم دنيانه...ظل يعيش ويانه...بين العيون

    تنتظر أرواحنه...نلتقي بمصباحنه...عِلت الكون

    إحنه أرباب الوفاء...كربلاء يا كربلاء

     

    ننذبح منبالي...للحسين الغالي...احنه أحرار

    خطوة لا ما نرجع...و الله لو نتقطع...نبقه أنصار

    هذا ميثاق السماء...كربلاء يا كربلاء

     

    بهالعشق جنينه...بالدمه خطينه...حبنه وياه

    انتابع بمشورانه...ثار الله و ثارنه...اشلون ننساه

    نكتب ابغيرة دماء...كربلاء يا كربلاء

     

    و الله ما نتبدل...و بسواه ما نقبل...صحنه هيهات

    بكل سمه و كل وادي...صوت دمنه اينادي...يا لِثارات

    هذا ثار الأنبياء...كربلاء يا كربلاء

     

    بجبهة الريحانة...المصطفه و قرآنه...حي نشوفه

    احنه حته بموتنه...ظل يردد صوتنه...ما نعوفه

    قبلة العز و الإباء...كربلاء يا كربلاء

     

    بساعة النتقدم...احنه ما نتكلم...تحجي السيوف

    منهو يلوي اذراعنه...شيعة من أطباعنه...يرجف الخوف

    إلنا ما يركع لواء...كربلاء يا كربلاء

     

    الدنية تقره احروفنه...و الزمان ايشوفنه...ما نطخ راس

    بينه غيرة حيدر...بينه زود الأكبر...و زود عباس

    ننزل اعليهم بلاء...كربلاء يا كربلاء



    موقع القصائد الولائية © 2004 - 2013