» احفر نهر يا محجر العين...اروي الخبر عن السجينين  » يا مجير ابلا إجاره...بارك بهاي الزياره  » ليل الغاضرية...شفته بكل مسية  » عالگاع قرآن محبوس...مفروض ينشال عالروس  » صبرك كليم...ويه الرحيم  » بالله نزل النعش يا شّياله  » يا أمير ابن الأمير...سبحه بجفوفك نصير  » ما نعوفك هيهات موسه ابنَ جعفر  » آنا الغريب العل جسر...عدواني خلوني  » إمامي إبساعة المحشر...أندبه إبشدتي يحضر  

  
  • أضف الموضوع


  • الشاعر السيد عبد الخالق المحنّه
    02/10/2017م - 11:49 م | عدد القراء: 492

    السيد عبد الخالق المحنة


    صوت يشبه صوت زينب...تندب بليل الصحاري
    أصيح انتباه...يجوز اشتباه
    سوادة الشفتها...تنادي حسين
    تصيح بظلام...يعالم حرام
    عشت عمري مرة و متت مرتين


    سألت العيون...ترى من تكون
    رحت أمشي ليها...و يتامه وراي
    مشيها جريح...حبيبي تصيح
    تون من ضلعها...صحت أمي هاي

    أسلم عليها أريد...أحسها بحذر تخفي إيد
    أراقب صرت من بعيد...شفت جفها بيه دم وريد
    شبقت الجروح...و أنا ابلايه روح
    غفيت بحضنها...أدور أمان
    بحرارة لقاء...نصبنه العزاء
    جبيرة المصيبة...و زغير المكان

    شفتها و بجيت...حنت و انحنيت
    صحت يُمّه يُمّه...تأخرتي ليش
    ييُمّه الرجال...غفت عالرمال
    تره بعد اخوتي...و لا يحله عيش

    تقلي عجيب...غزاج المشيب
    هضمتيني يُمّه...يخوفي عليج
    أخير المقال...بيديج الحبال
    يرجفن يزينب...سلامة ايديج

    يمكفولة صرتي الكفيل...عليلة و تواسي عليل
    نهر من جفونج يسيل...يزينب دربكم طويل
    حرس عالعيال...يرعبج خيال
    عجيبة اليساره...حرسهن أسير
    غطاج الرمال...يا أم الدلال
    رماد المخيم...فرشتيه حصير

    مواقف صعاب...عشتها بعذاب
    أسولف بعضهن...قبل لا أموت
    زغيرة بنات...طفل يمها مات
    تقله اليتامه...تموت بسكوت

    طفل يمي جاي...سأل ما كو ماي
    سقيته بدموعي...و شعرت بضماي
    أسيرة تغيب...تعود بنحيب
    تقلي يزينب...جنت يم ضناي

    رحت للكفيل اعله نار...دخان المخيم ستار
    أقبل يمينه اعتذار...لطمت اعله راسي ابيسار
    بعدما أشوف...شفت بس جفوف
    صحت يبن أبوية...وضعنه خطير
    قريب الصباح...و أحس قلبي طاح
    غداً الله يعلم...يخويه اشيصير  



    موقع القصائد الولائية © 2004 - 2013