» أَنْتَ رَمْزُ التَّضْحِيَاتِ...يَا حُسَين  » فِي الْبَدْءِ و الْمَعَادِ...حُبُ الحُسَينِ زَادِي  » دنت الساعةُ وانشقَّ القمـــــــر  » إذاَ الْعُيُونُ كُوِّرَتْ... إذاَ الْجُفُونُ سُجِّرَتْ  » هاي الخدامة...ثوب الشرف يوليدي  » نار الرزية...مستعرة بية  » يحسين سهمك صوبني...يحسين همك شيبّني  » أنا عاشق للحسين ابفطرتي  » يوم حسين جمرة اتوجرت بيه  » يحسين اعداك يلومونه  

  
  • أضف الموضوع


  • الشاعر المرحوم الشيخ محمد بن نصّار
    18/12/2016م - 11:35 م | عدد القراء: 557

    مرقد الامام الحسين (ع)

    تفر السيدة زينب روحي لها الفداء لأرض المعركة

    إجت زينب تصيح الله أكبر...يخويه ليش هالنومه ابهالحر

    بگچت زينب او نادت يا وليي * ينور العين يا عگلي و خيي
    يخويه الصبر من بعدك امعيي * علي او نار فگدك دوم تسعر

    يخويا من ضرب راسك ابسيفه * طعن گلبك ابرمحه و خذ حيفه
    او ما خلا ابروحك بس طريفه * خفيه او شافها الموت المگدر

    يخويه من سمعت المهر يصهل * تخيلتك ابجود الماي مجبل
    أصد لن المهر محرب او معول * جالب عدته و السرج يصفر

    على امصابك لحرم لذة العيش * بعد فگدك يخويه احسين ما عيش
    يخويا اصواب كلمن مات بالريش * او جرحك بالگلب يسعر

    على امصابك لجيمن دوم نوحي * يعيني بالدموع اليوم طيحي
    امصابك يا عيوني شعب روحي * لونه بالصخر ذاب او تفطر

    تصيح ابصوتها وينك * يخويه جاوب وصد لي ابعينك
    يخويا ذاب گلبي من ونينك * يخويه موش گلبي صخر مرمر

    فچ عينه و زرگنها او شبح ليها * او حن او خرت ادموعه عليها
    لما صدت لعد دمعة وليها * ليل او فوگ جرحه يجلب أحمر



    موقع القصائد الولائية © 2004 - 2013