أبو فاضل دي گوم الساع و احضر...او شوف الخيل عالصيوان تفتر
يخويا ليش هالنومه الطويله * يخويا الطفل عگبك طال ليله
يخويا ما چنت تسمع عويله * يلوج امن العطش لمن گضى او خر
يخويا آيست سكنه من الماي * تجي يمي يخويا او توگف احداي
يخويا امن العطش رادت تجي او ياي * او تگلك وين وعدك يا امشكر
يخويا ما درت لنك رميه * او هي ابرجواك تسجيها اميه
يخويا امنين إجت ليك المنيه * او تگضي بالعطش و السيف و الحر
يخويا ليش هالساعه عفتني * غبت عني يخويا او ضيعتني
مهو افراقك شعب گلبي او فتني * او نارك بالحرب يا خوي تسعر
رد واعياله امن العطش يومن * او صاح ابصوت للتوديع گومن
مثل سرب الگطا گامن يحومن * تطيح اعليه وحدتهن او تعفر
