مشيت آنا ابطريق حسين ممشه اويه الربع ماشين

مشيت و ربعي الوياي مثل الكل حسينين

مشينه بتعب ما نشعر و أكثر قول متونسين

مشينه و الدرب عاثور صار النه الدرب دربين

بسهول و شوك و النهران و بساتين و تراب و طين

ساعة نضيف و انصلي و ساعة ببيت متغذين

و سوينه الطريق أشواط ووصلنه الكربله بيومين

و زرنه بازدحام الناس احنه الهاي متعنين

طلعنه من الصحن و انريد الكراج النجف متهجين

آنا اوياهم أكبرهم تناوش عمري للخمسين

أثاري من التعب و الحر طحت و الربع منتبهين

خذوني بساع للدكتور و قصو لي الخبر بعدين

أخذ لك للقلب تخطيط سالم قال كلش زين

و لمن سحب من دمك تحير و احنه متحيرين

فصيلة دمنه ما تعرف و يعيد الفحص مرتين

واحد من ربعنه اوياه تربة و من كسرها اثنين

نص منهن فرك بيده و خلاه التراب اطحين

اخلطه يقله وي دمه و هم عاد الفحص بالحين

لن صاح الطبيب بصوت عجيبة أمره يا طيبين

فصيلة دمه صاحبكم بيه زائد اتراب حسين