صلاة الله و سلامه...عله الهادي و أهل بيته النشامه

عله المبعوثِ رحمه...عله العله السماها أمه

و على حيدر و ابن عمه وولينه

على خير البرية...الحسن و حسين أخية

و عله التسعة الأيمه...صلاته اعله السفينة

الركب بيها يصل مرسه السلامه

دعيت الباري ربي...بعدد دقات قلبي

و عدد ما جفني يرمش كل حياتي

يرب صلي عليهم...تعلق قلبي بيهم

و عشقهم بالحشر يضمن نجاتي

و ما أبتر صلاتي أتممها برغم كل الملامة

أصيح بصوته عالي...أنا شيعي و موالي 

لهل بيت النبي و هذا افتخاري

عديم العقل أبغضه...بعلوا صوتي أرفضه

و أرفض مذهبه بليلي و نهاري

علي عشقه اختياري و كلمن ينحشر ويه إمامه

هويتي رافضية...و أحب هاي الهوية

إمامي الصادق امبارك لي بيها

اليعارض خل يعارض...أظل للموت رافض

و خل الناس تاخذني بحجيها

هويتي وشعليها اليلوم بقلبي ما هم بكلامه