يا قافلة روحي...لأم الوفه روحي...و إبن الزجيه

للباقر و جعفر...و ابنك يبو الأكبر...و إبن الزجيه

ينهتك ستر المسافة ابوحشة اعيوني...قافلة روحي يتيمه لا تضيعوني

عندي خمس اقبور و أنشد ما تدلوني...يمهم أرد أنصب مآتم بالله خلوني

لأرض البقيع أمشي...لو أرجع ابنعشي...يالناصبيه

بالدمعه و الونه...للصادق أتعنه...و إبن الزجيه

أسمع امن ابعيد ونه بروح منفجعه...قلت هاي الونه لازم ونة البضعه

من إجيت القبر إبنها شاهدت دمعه...دمعه لكن تضوي ظلت عالقبر شمعه

ظلت تون يمه...و اتنادي يا يمه...و ابكل مسيه

إبن العرج للرب...و إبن الشطر مرحب...و إبن الزجيه

يم قبر أم البنين الدمعه تحلالي...عين مصيوبه شفتها و جف تراوالي

ظل صده صوت المصيبه راسخ ببالي...هالله هالله بزينب إختك يبني يالغالي

من ينعدم شوفك...و إتضحي بجفوفك...للهاشميه

يوليدي جربتك...تفدي العمر لختك...و إبن الزجيه

يم علي السجاد و إبنه سلّمت أمري...كربله يمهم شفتها و إنكسر ظهري

طفله بين الخيل تركض وين ما تدري...طفله راحت يم أبوها و الدمع يجري

من شافت الوالي...راس براس رمح عالي...طاحت رميه 

محد يجي يمها...بعد القمر عمها...و إبن الزجيه

يا علي السجاد اسألك عن أبو العتره...من طلع سهم المثلث من خرز ظهره

يا علي و الشمر شفته من رفس صدره...بالله قلي اشقال قلبك من شفت نحره

من القفه يذبحه...آه اشكبر جرحه...من آل اميه

طاها إنذبح بالطف...من ذبحوا المصحف...و إبن الزجيه

من يسولف لي اعله زينب شنهي حالتها...إنت يالباقر شفتها و شفت محنتها

من مشت بالليل تنحب وين نيتها...قلي راحت للشريعه تشكي غربتها

ياللي اكفلت خدري...خويه انكسر ظهري...و أمشي سبيه

سكنه بقت تنشد...يمته الكفيل يرد...و إبن الزجيه

يمته تنهض يا بو صالح نبقه نتأمل...طالت إرقاب النواصب و الهجر طوّل

سيفك من إتسله قلهم حيدر الأول...نقبل بحامي الحميه و غيره ما نقبل

ثار الضلع يمته...شو طالت السكته...يا بو الحميه

يالما خلص صبرك...و الزهره تنتظرك...و إبن الزجيه

يا بو صالح هاي زينب وين أهاليها...جيش ابن جوشن وصلها من يحاميها

نيته يهدم قبرها و ثاني يسبيها...لا يبو صالح دخيلك إلحق اعليها

تقبل يسلبوها...هم ثاني يسبوها...هيه و رقيه

لو عنها تتأخر...راعي العلم يثأر...و إبن الزجيه