لتحاول اوياي ما تكسر قراري .. أمشي له لوشوف موتي بإنتظاري
يا موت يمنعني . . وحسين يسمعني
روحي ، دمي ، عيني ، قلبي
كل أعضاء جسمي والبدن لحسين مشّاية
لأجل الطاح جفه معتني وما طاحت الراية
قاصد ، للطف ، ناذر ، عمري
نار الغيرة بيه وما أرد واشتعلت براسي
امشي بغيرتي وبأيدي العلم والعشق عباس
رافع ، راية ، ثاره ، بأيدي
أنا المشّاي أجيت لزينب بعباس اواسيها
أواسي ام البنين الطاهرة وبحسين أعزّيها
والغيرة تدفعني . . وحسين يسمعني
***
بأيده ، أمري ، بأمره ، أمري
يا دنيه وقراري للأبد ما بدل حسيني
لو شمس وقمر عن يمنتي ويسراي تنطيني
يحضر ، نشري ، يجبر ، كسري
لو مكسور جنحي وما طرت بجناحه تلقيني
أنا المجنون بإسمه ورافضي شتريد سّميني
أحلف ، بإسمه ، فدوه ، إلدمه
كل ما ابتعد عن كربله يظل يكبر بعيني
حب حسين ديني ومذهبي ما ساوم بديني
ياهو إليرجعني . . وحسين يسمعني
***
آدم ، موسه ، يوسف ، عيسه
كل الأنبياء وما خلق متعنية يم بابه
وأملاك السمه وساقي العرش نزلت على اعتابه
عرشه ، شمسه ، جنه ، إنسه
كلها اليوم نزلت ع الجسد وتعزي بمصابه
بترابه الشريف اتخضبت وتصلي بترابه
صبره ، نصره ، دمه ، ثوره
كل قطرة دماء اترتلت آيات بكتابه
كل صرخة طفل بين الخيم آذان محرابه
ومصابه يفجعني . . وحسين يسمعني
***
عينك ، تدمع ، قلبك ، يخشع
لو شفت الإمام المنتظر يتلقى خطاره
والعباس ناده من بعد يا هلا بزواره
ربك ، يقسم ، كلمن ، يخدم
بالجنات داره من ذهب كلمن فتح داره
من سندس لباسه بالحشر والحور بأكتاره
صادق ، عهده ، ثابت ، وعده
ما يخلف عهد رب العرش لحسين وأنصاره
ويسلمه كتابه باليمين ويطالب بثاره
ويصيح رافعني . . وحسين يسمعني
***
تعبد ، ربك ، تغسل ، ذنبك
كل خطوة يا شيعي بكربله لو ردت تخطيها
بسبعين حجة لو طفت جنك طفت بيها
بإسمك ، رفعت ، آية ، نصرك
من عندك كرامة لزارتك يا حسين تكفيها
جبريل ايتبارك لو نزل بتراب رجليها
دمك ، ثورة ، شعلة ، نصره
هاي زيارتك وقت المنع من جنها نمشيها
شعلة وما طفت وقت الظلم يحسين تدريها
والخوف ودعني . . وحسين يسمعني
***
صرخة ، صوتي ، بالطف ، موتي
لا تحاول ترى ولو حاولت ما تغيّر أفكاري
ثاري وما اعوفه لو متت لو آخذ بثاري
فاطم ، تعلم ، ناذر ، عمري
لو عفته شقول لفاطمة وما تنفع اعذاري
نار الغيرة بيه وتشتعل لأجل السبط ناري
شنهي ، عذري ، واعرف ، وادري
هذا أفضل ثلاثة بالشمس فوق الارض عاري
هذا ابن الزجية لو رضت ينزل رضه الباري
يا عذر يقنعني . . وحسين يسمعني
