أضف الموضوع
يا سيدي موسه بن جعفر
الشاعر السيد عبدالخالق المحنّه - 15/05/2015م - 10:46 ص | عدد القراء: 2467
الجنازة اعله الجسر خلّوها...يالله يا شيعة علي جيبوها
يالله يا شيعه الجنازة اعله الجسر ...امقيّده و اقيودها ما تنكسر هذا نور الله و فروضه و الذكر ...ابيا ذنب و اجنازته ايقّيدوها
يالله شيلوا اجنازته فوق الرؤوس ...هذا بن جعفر و أبو شمس الشموس يالله صيحوا يا علي و ضحوا النفوس ...للكرامه اسيوفكم سلوها
هذا نعش الطاهر ابن الطاهر ...هذا سيد الناس أول و آخر هذا إمام المحتسب و الصابر ...للمصاب ادموعكم هلوها
صاحب السجدة الطويلة الممتحن ...ينقتل مسموم في قعر السجن هذا يوم الفاجعة و يوم الحزن ...ها يشيعه اجنازته شيعوها
اليوم ضرب اصدوركم يشفي الصدر ...اليوم يوم النوح مو يوم الصبر اليوم بس ادموعكم تطفي الجمر ...اوياكم الزهرة إجت واسوها |
|