أضف الموضوع
الشاعر السيد عبدالخالق المحنّه - 12/05/2015م - 11:55 م | عدد القراء: 1993
ما يبقه بعيوني دمع لمن بجيت اعيوني إخذوني وياكم جرح للكاظمية اخذوني
للكاظم اشتاق القلب شوق المحب لحبابه باب الحوايج و اعتقد تخلص اهمومي ببابه اهنا يمن عندك دمع هل الدمع لمصابه صوت الغريب ابغربته يا شيعتي اتحضروني
واجب عليَّ ازيارته لو أدري موتي ابدربه لو يمطر المدمع بحر ما يطفي جمر الغربه آنا امن أطوفن حضرته مثل اليطوف الكعبه و أسمع تنادي فاطمه يهل الحزن واسوني
الميت بآخر نفس بس للأهل نظراته من مثلك امقيد قضه و ايعاين الشمّاته يالغمض اعيونك دمع و اتوسد بحسراته دمعك ينادي يا هلي و ما حضروا ايودعوني
من غمض اعيونك إلك مشبوحه ظلت عينك ما ظن يبن جعفر أبد أهل الوفه ناسينك أرد أعتني لرض النجف و أصرخ يحيدر وينك انت القلت يا با الحسن وقت الكلافه انخوني
هاي الجنازة امقيده فوق الجسر يا حيدر احضر يبو الحمله علي خل الهواشم تحضر مسموم ابنكم يا علي وين العشيره التثأر ينده لون حيدر يجي ما قدروا ايقيدوني |
|