أضف الموضوع
الشاعر السيد سعيد الصافي الرميثي - 11/05/2015م - 12:34 ص | عدد القراء: 3385
يا ناعي المصاب اليوم زينب بت علي إنعاها و الطف كربله اتعنه و صيح الأجل وافاها
إسرع و إقطع البيده و اقصد و اعتني اخوتها و قل إلهم خبر عدكم عن زينب و حالتها اوحيده ابديرة الغربة وافتها منيتها تريد اليعتني ليها ...يهل المدمع اعليها و يجفنها و يواريها يهل الرحم من عدكم محد حاضر اوياها
هاي القبل بحماكم جانت و الخدر عالي و من بعد الشمل لنها حرمه ابحسرة الوالي وحيدة ابولية العدوان و خلاها الزمن تالي و من توصل يناعي البين ...و صيح أهل الشيم جاوين و هل دمعك عله الخدين و ذمة اعليك خبرهم عن زينب و بلواها
زينب مثل بلواها و طول الدهر ما صارت يوم العاشر ابعاشور بت حيدر علي إحتارت و خيل و زلم لخيمها بيوم الهجمت و غارت و احتارت بذاك الحال...تطفي النار تحمي اعيال لو تجمع يتامه أطفال و اعليهم اخوها حسين لمن راح وصاها
حرمه و بهضمها اتحوم ما بين الخيم تفتر مذهولة و تشوف النار لنها ابكل كتر تسعر من شدة الخوف أطفال فرت ضاعت ابهالبر و جم ظالم العذبها...و هذا بصوته يضربها و ذاك اليجسر ايسبها و بعد المن تدير العين و اليا كتر منواها
و شاطت للتل و صاحت جاوينك يحامي الجار اخوتي اتذبحوا كلهم و آنه بوليت الأشرار قوم الكربله اتعنه ابويه و جرّد الفقار و يا حامي الدخيل أنخاك ...بويه ادخيلك و بحماك طحت بشدة و أترجاك
بويه لون تنشدني و عن راعي العلم عباس و اشلون أعتذر مني راعي الفخر و النوماس يبويه اجفوفه مقطوعه و انصاب بعمود الراس أدري بصاحب الكلفات ...مني يعتذر هيهات لجن مرمي اعله المسنات |
|