أضف الموضوع
الشاعر واثق العيساوي - 07/04/2015م - 7:55 م | عدد القراء: 1557
أم العباس ...بيها المجد محتار
مرفوعة راس ...هيبه ووفه و إيثار
حره و أبيه...هاي الوفيه
بيها المجد محتار
أصيله و طاهره و الدنيه تعرفها
من أشراف النسب لمن نوصفها
غايه ابحيدره الباري يشرفها
لجل صرح الإمامه يعتلي ابجفها
ويه الزهراء... موقف وفه و إيمان
لأربع أبناء... ما عرفت الأحزان
بالغاضريه...هاي الوفيه
بيها المجد محتار
يسموها الأصيله الطاهره الحره
الجليله العالمه ووفاية الزهره
بأفعاله البشر خالد يظل ذكره
و منو مثل الوفيه اللي فده عمره
بدموع العين ...سهرت ليالي اطوال
وين يصح وين ...لأم البنين أمثال
توفي الوصيه...هاي الوفيه
بيها المجد محتار
أيتام الزجيه اتكفلت بيهم
وسط اعيونها حلفت تخليهم
اعله أمهم لو بجوا و الدمعه تلفيهم
تنشف ادموعهم سكته و تنسيهم
وفّت بالروح ...لأهل النبي الأطهار
تتلقه اجروح ...و بنص قلبها النار
حملت أذيه...هاي الوفيه
بيها المجد محتار
أقمار أربعه أمهم فخر عدهم
شجاعه و مرجله و الغيره رضعتهم
عله العتره الشريفه اهواي وصتهم
أخوتهم نعم هالأربعه اخوتهم
تنخه الشجعان... يا ظنوة الكرار
ميظل عطشان ...سبط النبي المختار
حد المنيه...هاي الوفيه
بيها المجد محتار
يبو فاضل تقله احزام شديتك
يوليدي القمر عباس سميتك
أنا اليوم الشدد يا يمه ربيتك
أنا بزينب الحره اليوم وصيتك
انطيني اوعود... يا يمه يعباس
وياك اتعود... باجر يرفعة راس
لترد سبيه...هاي الوفيه
بيها المجد محتار |
|
