أضف الموضوع
الشاعر السيد عبدالخالق المحنّه - 11/03/2015م - 12:04 ص | عدد القراء: 3326
أصبر عالصاحت مصيوبه...لمن دهري ايصيح التوبه
شيقول الفارق محبوبه...شيقول الفارق محبوبه
يا ليل اسهامك ترميني...و افراق الغالي يأذيني
أنظر للزهره تعاتبني ...و ادموع اليعتب تجويني
يا ليل و ما أشهر سيفي...مقيود و طه اموصيني
أسمع من ابعيد الونه...و آنا أتركها بنار المحنه
و الفزعه اعله الحق مطلوبه...شيقول الفارق محبوبه
حيدر آنا و بالشده أحضر...بس يمج أحضر ما أقدر
أنظر للمحسن يالزهره ...من ابني و منج أتعذر
كسروا ضلعج يا ضي عيني...مهضومه وما يفزع حيدر
كسرة ضلعج آنا اسمعها...و أقدر هاي القوم أمنعها
لكن مكتوبه و مطلوبه...شيقول الفارق محبوبه
جف اليدفع بابج شفته...يالزهره و مطلوبه السكته
يم حسين و كبّر سيفي...من طاح اوليدي و شاهدته
و اليسطر خدك قدامي...هذا أكبر هم اتحملته
يا بويه اتصيحين ابجمره...و آنا أنده يالزهره ابحسره
أصبر لمصابج مكتوبه...شيقول الفارق محبوبه
لفراقج تعجز كلماتي...و السكته اتهيج حسراتي
ما أجزع خل يجزع صبري...و البير ايشاهد دمعاتي
ما أتحمل ليل افراقج...و الليل ايحس بآهاتي
بعد الراحوا يصعب حالي...هدم حالي افراق الغالي
أنحب عالراحت مغصوبه...شيقول الفارق محبوبه
كسرت ضلعج كسرت حيلي...قلبي و قلبج صاحن ويلي
آنا اشبيدي اعله اليجرالج...دمعة عينج لا تشكي لي
يا ليل و من يصبر مثلي...و يتحمل يسكت يا ليلي
يا ليل و دمعات أعذاري...من الزهره و من بتاري
كسروا حيل القالع بوبه...شيقول الفارق محبوبه
آنا اوياك و جمر المدمع...يا ليل أحجي لك و انت اسمع
شمس الزهره الغابت عني...يا ليل الرايح ما يرجع
يا ليل امن اسمع ونتها...يتعذب قلبي و يتقطع
أسمع من صاحت يا فضه...أسمع و أسكت كون و أرضه
شتفيد ادموعي المسجوبه...شيقول الفارق محبوبه
أنظر للمحسن و امصابه ...و أتذكر يوسف و اغيابه
شيب يعقوب و ظل ايون...دمعات اعيونه السجابه
غاب اسنين و عاود يوسف...بعد الغيبه و شاف أحبابه
ما يرجع محسن يا حسره...لو يرجع متشوفه الزهره
مو مثل الرد اليعقوبه...شيقول الفارق محبوبه |
|
