أضف الموضوع
الشاعر سيد رضا البو شوكه - 06/12/2014م - 10:22 م | عدد القراء: 8714
يبن الكرار...شبّت جم نار
يا راعي الثار ...يا راعي الثار
نار الباب و آلامه...حرقت لحسين خيامه
يا راعي الثار... يا راعي الثار
جبت عمرك تحن و معاشر الحسره
المصايب كربله لو لوعت الزهره
تبجي اعله السقط من شدة العصره
لو لجل الرضيع المنقطع نحره
يا طفل حسين...فجّر كل عين
عقب الجفين... عقب الجفين
من شاله حسين بإيده...و انحز بنبله اوريده
يا راعي الثار ...يا راعي الثار
ضلع امك تكسّر و الدمع جاري
اضلوع حسين كلها و الجسم عاؤي
اقول اشصّبرك يا حجة الباري
و امك فاطمه اتناديك اخذ ثاري
ثار العريان...فوق التربان
يصرخ عطشان...يصرخ عطشان
يالمهدي و آنا الزهره...و حسين الفوق الغبره
يا راعي الثار... يا راعي الثار
امن امك عين مسطوره و تسيل العين
و عله الشط عين ممروده الوجود حسين
اجفوف المرتضه اتقّيدت بأمر ياسين
لاجن عالشريعه طاحت الجفين
طاح العباس ...راعي النوماس
مفضوخ الراس...مفضوخ الراس
من ذبحوا راعي الغيره...زينب خلوها بحيره
يا راعي الثار... يا راعي الثار
إلك باب إحترق بس بيه ضلع مكسور
و إلك حرق الخيم راعيها ظل منحور
يتامه حسين ظلت بالصحاري اتدور
و امك فاطمه حضرت ظهر عاشور
ابقلب المجروح...يوليدي اتنوح
ضامي و مذبوح...ضامي و مذبوح
و حسين الحزوا راسه...بجدامه الكافر داسه
يا راعي الثار... يا راعي الثار
غصب حق الزجيه فاجعه اجبيره
و الاكبر منها زينب راحت ايسيره
عله الناقه و تنادي وين أبو الغيره
يا طفل التصد له ابوجهه جم حيره
صاحت عذبوك ...ضامي و ذبحوك
بالحر خلوك...بالحر خلوك
إتمنيتك نور اعيوني...سالم و آنا ايذبحوني
يا راعي الثار... يا راعي الثار
حين الجثة العطشان نحروها
إجو عمتك رقيه ابخدها سطروها
رقيه اعله الأرض يالمهدي جروها
و ايديها امقيده و للشام يسروها
امن الطف للشام...بجّه الأيتام
سوط الظلام...سوط الظلام
زينب تشقف بيديها...كل صوط اليضرب بيها
يا راعي الثار... يا راعي الثار |
|
