إخذوها  روحي  الكربله ...ابساعة وفاتي  إخذوها أم   البنين  الأربعه  ...آنا  اللي  روحي   امصدعه من  يوم  إبن  حذلم نعه ...و بأصعب خبر  وافوها هاي  آنا  لايقت الأجل ...طال إنتظاري ابهالأمل خل  تنقبض  روحي  ابعجل ...ابحسرتها لا  تخلوها أترجه موتي ابكل سبب ...و الروح ما تبدي العتب يا  رسل ربي و بس طلب ...لأرض السبط  ودوها ودوها  روحي  الحايره ...خل أعرف هناك  اشجره اليا  سبب  ريحة  منحره  ...ابرد  الضعن   جابوها أرد  أنظر  ابطف  كربله  ...وشخله  زينب  ناحله من   عودت   بالقافله   ...الشافوها  ما   عرفوها أرد  أحسب إسهام و نبل ...ابهالرميه لازم  تنسأل إشرجع  رباب  ابلا طفل ...ابلا رحمه من  فجعوها أستشعر  ابروحي  الألم  ...من  أنظر  ارماد  الخيم راح أعرف العسكر هجم ...و اعله الحرم  حرقوها حرق  الخيم يكشف إلي ...يعني انتهت ظنوة  علي و  التنتخي  ابيا  كافلي  ...و  بسياطهم   يلفوها للنخوه  لو  محد  فزع  ...يعني  العلم  طاح  ووقع وين  إبني  عباس  إنصرع ...و جف يمنته  قطعوها و  ابلا  عضيد و لا سند ...لحسين هالجيش إنفرد يعني        الشمر        ثنّه        و         صعد