أضف الموضوع
الشاعر أبو علي الناصري - 08/02/2013م - 4:30 ص | عدد القراء: 3612
أمك و أريد أوصيك...عودك علي امربيك
والـدك لا تـتـعذره...يبني يسبع القنطره
إجـت أم الـبـنـيـن الـمـدمع إتسيله
يـم عـبـاس إبـنـهـا إبـعبره تشجيله
يـبـنـي إتـقـلـه يا غيرة علي و حيله
زيـنـب يـم أبـوك إسـمـعها تشكي له
تشكي إبقلب مجروح ...يا بويه عني إتروح
تـرضه العقيله إمحيره ...يبني يسبع القنطره
إنـحـنـت عالطبره زينب و الدمع سجاب
تـقـلـه إمـن الزغر بالباب قلبي إنصاب
ابـحـزن أمـي بـعدني و صابني المحراب
فـقـدك مـو سـهل بويه يداحي الباب
عـشت العمر بحماك ...يرحل دلالي إوياك
و تـرضه العقيله إمحيره...يبني يسبع القنطره
ألـف وسـفـه يـبويه إتروح ألف وسفه
لـجـن خـدري عـزيـز و غالي إتعرفه
أريـدن لـي كـفـيل امن إخوتي إتكلفه
و هـالـلـيـلـه إبـمصيبة فاطمه إتحلفه
قـلـها إخوتج حراس ...و الكافل العباس
صاح و شبح لي إبناظره...يبني يسبع القنطره
و أريـد الـيـوم يـبـني يا القمر أنخاك
و أدري إعـلـه الـحـمـيه والدك رباك
إبـشـيـبـاتـي عـليك و دري الغذاك
تـنـشـف دمـعـة إختك زينب إبيمناك
إنـهض لبوك الحيد ...شوف الوصي شيريد
و إستمع شنهو إيقرره...يبني يسبع القنطره
إجـه الـعـبـاس مهتم و أمه تمشي إوياه
إنـحـنـه إقـبال الصميده و قطرت عيناه
قـلـه يـا قـمـر زيـنـب عظيمة جاه
و أخـذ جـفـهـا إبيمنته و سلمه إبيمناه
قـلـه يـكـافل هاك ...من يمنتي اليمناك
إخـتك عقيله إمخدره...يبني يسبع القنطره |
|
