» ساوموني...و آنا ما ساوم على بيعة أميري  » يا علي الأكبر صفاتك من صفات الأنبياء  » نور لعيوني و ضواي...من هواك اشتم هواي  » يم بابك و محتاج مديت اديه...كل مائدة جبريل نزلت عليه  » يا با الفضل جيب الماي لطفالك العطشانة  » هوسات في حق العباس بن علي عليهما السلام  » قوم هذي رايتك...يا با الفضل  » أربع كواكب متقدمه...هدية مني يا فاطمه  » ابجاه النبي و فاطمه و علي...أتمنه ترجع يحسين إلي  » يا بالفضل أدريك...همة علي اتباريك...يا شمعة اسنيني  

  
  • أضف الموضوع


  • الشاعر السيد عبدالخالق المحنّه - 19/10/2012م - 12:44 ص | عدد القراء: 8151



    قـالـوا لـي تـعـال...يـالـعـنـدك سـؤال...يم باب المراد
    لـو جـسـمـك عـلـيـل...مـا كو مسحيل...يم باب المراد

    طابت  إجروحي إبنسيم الكاظميه...من وصلت الباب سعرت نار  بيه
    جن  أشاهد ضلع للزهره الزجيه...دمعه حمره من السمه طاحت  بيديه
    و الـكـاظـم يـصـيـح...يـحضر كل جريح...يم باب  المراد
    حـيـدر  و الـرسـول ...و الـزهـره الـبتول...يم باب  المراد

    ونت  الزهره  تفت قلبي و تلوعه...يبني يالعطشان قلب أمك  تصدعه
    ويلي  عالمسموم  و السم إشيجرعه...يبني شيعتنه إجت نعشك  تشيعه
    يـالـرايـد  تـشـوف...صـوره مـن الطفوف...يم باب  المراد
    يـالـفـاقـد  حـبـيـب...إبـجـي عالغريب...يم باب المراد

    مـا شـربت الماي مثل حسين همك...هم ثلثتيام ما مدفون  جسمك
    لا  تـظن وحدك ييمه آني يمك...أنحب و ألطم على ضلعي و أكلمك
    حـضـرت هـالـجـمـوع...وجـوا لك شموع...يم باب المراد
    كـل هـذا الـحـضـور...تـلـطـم عالصدور...يم باب المراد

    أذكر  العطشان  من أذكر مصابك...و أذكر القاسم إذا أذكر  شبابك
    شـمعه من جسام خليت إعله بابك...و إبنك الهادي فلا يحمل غيابك
    يـالـرايـد تـروح...إبـنـك ظـل يـنـوح ...يم باب  المراد
    جـرحـه  مـا يـطـيـب...يـحـلاله النحيب...يم باب المراد

    بس مصاب حسين يبني يبقه أكثر...إنت جسمك لا سليب و لا توذر
    بالحوافر  ما  شفت صدرك تكسر...و إنت ما عندك يتامه إتضيع بالبر
    أذكـر يـا مـصـاب ...و أنـطـيـك الجواب...يم باب  المراد
    مـصـدوع الـدلـيـل...و الـمـدمـع يسيل...يم باب  المراد

    خل  أسولفلك جرح بالغاضريه ...من لقيت حسين مرمي إعله  الوطيه
    جـان راسـه اعـله الرمح ينظر عليه...جن يقلي زينب الحره  سبيه
    مـجـروحـه الـشـعـور...يـالـقـاصد تزور...يم باب المراد
    يـالـقـلـبـك حـزيـن...سـمـعـني الونين...يم باب المراد



    موقع القصائد الولائية © 2004 - 2013