بالك  تبخس الميزان...و إنصف و إحكم  إبوجدان و  صـوره  إقبالك إنظرها...و حملة علي إتذكرها و إنــصــف و إحــكــم  بـوجـدان مـن  إتـرتـل  الـقـرآن فسر سورة  الأعراف تـقـدر تـعرف الفارق و إتشوف البشر  أصناف بـيـن الـمـجحف الظالم و بين اليحكم بإنصاف و  الـعـنده ضمير و دين و من ربه الجليل  إيخاف تـلـقه إبكل وكت عنده للحق ما يصير  إجحاف حـومـة  كربله إدخلها و عاين موقف  الأشراف و  عـن شـيمة بني هاشم تلقه للشجاعه  أوصاف و  تـقـره للكرم آيات ...و قدسيه التهز  الذات مـوقـفـهـا  يـفسرها...و حملة علي إتذكرها و إنــصــف و إحــكــم  بـوجـدان إبـنـظـرة  مـعـتقد  إنظر و عن العاطفه إتخله و سـر الـتـضـحية إتعرفه و تقدر توصل  العله نـخـبـه الله تـخـيـرهـا من قبل آدم إبظله هـم  الـقـاده و الـسـاده و هـم خيرة  المله بـيـن  إثـنـيـن خـيـرهم فاجر يشعر  إبخله الـحـكـمـوا إمرته إينزلون و هذي خيرة الذله لـو  عـزة  نـفـس يردون و طبع العزه  بالسله و هم أهل الشرف و الجود...و إلهم بالفخر مشهود هـاشـم  مـنهو ينكرها...و حملة علي  إتذكرها و إنــصــف و إحــكــم  بـوجـدان و أنـعـم من بني هاشم و من عندهم علي الأكبر إبـيـوم الـحـومـته إتعنه ظل يتجادل العسكر بـيـن الـقـال أظـن حمزه هذا الفارس  الأدور و  مـنـهـم قـالوا الهادي البشر بالنص و  حدر و صـاحـوا أغلب الفرسان قاصدنه البطل  حيدر جـاي الـكـربـلـه إيجدد يوم الخندق و  خيبر و خـلـي إشـما نصير إحنه ننحر زوده ما  نقدر هـذا  الـفرق  الأحزاب...هذا القلع بيده  الباب الـيـقرب  هامته  إيطرها...و حملة علي  إتذكرها و إنــصــف و إحــكــم  بـوجـدان و لـمـن شـافـته الحومه صاحت يا علي حياك نـور  إبـوجـهـك إنشوفه و نار المحشر  بيمناك و  مـن حـيدر علي جدك شمرة سيفك و  ملقاك لـو  صـفـت زلـم و الخيل ما تقدر بعد تدناك عـنـدك مـبـدأ اليحديك و رب المغفره يرعاك ودوا لـك إبـن غـانـم و يـريد القتال  إوياك و  هـذا الفارس المغرور ...إتجاهل دورك  المذكور إبـسـيـفك رقبته إنحرها...و حملة علي إتذكرها و إنــصــف و إحــكــم  بـوجـدان كـورهـا الـزلـم و الخيل و بيها إبصارمه يحصد و مـن عـنـدها الشرد ينجه ويله الما قدر  يشرد حـتـه  إمن الهوه إعليها سيفه و درعه أصبح سد أقـبـل يـرتـجـز لـيـهم و بسيرة هله إيردد إحـنـه  الـبـينه رب الكون بكتابه غده  إيمجد نـور  إحـنـه إبصلب آدم و الله فرض إلنه  الود و  إنـعيش و نموت أحرار...و قدوة شرف  للثوار و  الـمـظـلومه ننصرها...و حملة علي إتذكرها و إنــصــف و إحــكــم  بـوجـدان