عـشت  أتنطر  إوليدي...راح إبني علي من  إيدي بـقـيـت إمـحيره بأمري...غريبه و دمعتي تجري راح  إبــنــي عــلــي مــن  إيـدي مـل  الـصـبـر  مني و جزع و إتنطريت  الوالي و ربـيـتـه بـدمـوعي و ألم و إتمرجح  إبدلالي و  قـلـت السهر فدوه التعب يرخص العين الغالي و أحـلـم يـوفـيـنـي الربه و يتحققن  آمالي كـبـر بـدمـوعي و الونه ...علي هيبه  أشوفنه و  رجـعت أتفكر إبصبري...غريبه و دمعتي  تجري راح  إبــنــي عــلــي مــن  إيـدي وي روحـي إتـوازه الـحزن و الزم صبر  دمعاتي و أخـتـنـق مـره إبعبرتي و مره ألتهي  إبحسراتي لـمـن وصـلـت الـكربله عاد الدهر  حسباتي آمـالـي  و أحـلامـي إنطوت و إتغيرت غاياتي أشوف إموادع و لوعه ...و حرم و إعيال مفجوعه و أشـوفن من بعد خدري...غريبه و دمعتي  تجري راح  إبــنــي عــلــي مــن  إيـدي و  لـن الـربه إبحضن الوفه شد و نوه إعله  الفرقه إيـودعـنـي  و يـقلي إنتهت ما ظل أمل  بالملقه شـفـت إبـني شمعة ناظري يمشي و منيته  إتسبقه قـلـت له يا الأكبر لو رحت مثلك بعد وين  ألقه صحت يوليدي لا تمشي...يروح إبروحتك  كلشي مـشـيت  إبحالي ما تدري...غريبه و دمعتي  تجري راح  إبــنــي عــلــي مــن  إيـدي راح و مـشـه إوياه الخدر و العمر و آمال الروح و  إحـضنت قلبي الما هجع مذبوحه تحضن مذبوح و إعـيـونـي ما هملن دمع يتقاطرن نزف إجروح و  نـاديته ليش إبكربله إتعوف أمك و عنها إتروح تـعـوف الـوالـده إبحيره...يا رابي إبمنبع  الغيره لـيـش  آخر صبر عمري...غريبه و دمعتي  تجري راح  إبــنــي عــلــي مــن  إيـدي لـو بـيدي للحومه أعتنيه إبني و أريد أمشي إوياه و  سـهـم  الـيصيبه إبمهجتي إبصدر المحنّه  أتلقاه و  خـلـيني  أطيح إبحومتك بس لا يغمضن عيناه سـلـوة  حـياتي و فرحتي و بعمري أريد  أتفداه شـلـي  إبديناه من يرحل...و بعد يا فرحه  أتأمل حِنه  ضلعي و كسر ظهري...غريبه و دمعتي  تجري راح  إبــنــي عــلــي مــن  إيـدي اشـسوت  ابحالي  كربله و خلت وضعنه إبيا  حال لا مـن زلـم لا مـن وطن ظلت حريم و  أطفال و  اشـلـون أفـكر بالضعن باجر إذا عنهم  شال و  الـيـحدي يا هو إبناقتي و يا هو الصير الجمّال عـلـيـه الناس تنشدني...شقولن وين عفت  إبني و أعـاود مـن بعد يسري...غريبه و دمعتي  تجري راح  إبــنــي عــلــي مــن  إيـدي