الـمصاب بگلبي يالصادق مظلمه و طـفح موج الدمع كله مظلمه الـمدينه موحشة و صارت مظلمه بـوفـاتـك يـمن للتكوين ضيه
فـتـح باب العلم جفك و فضله و طـفح بحر الكرم منك و فضله رسـول الله اورثك علمه و فضله و صـرت قـائد الفرقه الجعفريه
الـنبي و حيدر الك ورثوا علمهم حسن و حسين كل وجدك علمهم عـلـي السجاد و الباقر علمهم يـرف بـيـدك يـنور الله و نبيه
شـامـت يـره إدمـوع هضمها و بـقـيـع النايبه يشرح هضمها يـشـيـعة حيدر إغيابك هضمها تـعـال و صـيح يا ثار الزجيه
الـمـصايب لو جبل جسمي تسله الـفـقـد أحـبابه بدموعه تسله مـتـى سـيفك يبو صالح تسله إلـك رايـة بـقـت بالغاضريه
مـصـابـك حـيل بجانه و فتنه ابـعـمق جرحك توسدنه و فتنه هـدم قـبـرك صبح محنه و فتنه يـبـو الـكاظم و آذه الجعفريه
جـم بـيده قطع جدمي و بيداي و أكـف الدمع بجروحي و بيداي إجـيـت الجعفر الصادق و بيداي لـفـانـي من كسر ضلع الزجيه |