أضف الموضوع
الشاعر السيد سعيد الصافي الرميثي - 14/12/2010م - 2:31 ص | عدد القراء: 2915
قـوم إخـذ الـثـار ...مـو كافي إغيابك ... هاي أصحابك ... يبن الحسن
عـنـدك أخـبـار ...مـن طـول وعـدك ... صارت ضدك ... أهل الفتن
بــعــدك صـــابـــر ...و إحــنــه إنــكــابــــر
بـيـد الله يـغـايـب نـعـلـم بأمرك ...و الهذا السبب عن وعدك إنعذرك
لـكـن شـيـعـتـك و الواجب إنخبرك ...يالمهدي و صبرنه مو مثل صبرك
نـحـسـبـهـا أيـام ...نـتـنـطـر جـيتك ...حتى إنخبرك بينه إشجره
إنـعـيـش بـأحـلام ...و إنـقـول إنشوفك ... يا الأوصافك من حيدره
الـــيــوم و بــاجــــر...و إحــنــه إنــكــابــــر
كـل عـام الـيـمـر من عام أشد و أقسه ...و اليوم الشمر ذاك الشمر نفسه
يـذبـحـنـه يـريـد و إحـنـه نلتمسه ...وجهك كل صبح نتنطر الشمسه
لـو طـال الـلـيـل ...جـم ظـالـم جـائر ... بينه يصادر ...و بلا سعر
نـيـران و خـيـل ...مـلـتـمـه اعلينه ...و يذبح بينه ... إبسيفه الشمر
و مــا ظــل نـــاصــر...و إحــنــه إنــكــابــــر
إذا نـصـبـر عـلـى الـسيف اليوذرنه ...على اليجرح مشاعرنه اشيصبرنه
بـدع قـامـوا يـسـمـوهـا شـعـايـرنه ...و هيه المبدأ اليحي ضمايرنه
مـن أجـل حـسـيـن ...مـو بس إبجانه ... و سيل إدمانه ... و هذا اللطم
وفـايـة ديـن ... نـتـوحـد كـلـنـه ... إشلون يذلنه ... سيف الظلم
و الـــكــل ثــائـــر...و إحــنــه إنــكــابــــر
شـعـايـرنـه الـشـريـفه من أصول الدين ...نتحده اليريد إيقول مبتدعين
و نـبـقـه إحـنـه الـطـريـق متمسكين ...و لا زل الجدم بينه يسار يمين
أفـضـل مـنـهـاج ... لـلحق إنشوفه ... اشلون إنعوفه ...ابطول الدهر
هـذا أشـرف تـاج ...مـن رب الـرحـمه ...و هاي النعمه ...و هذا الفخر
مـــاضــي و حـــاضــر...و إحــنــه إنــكــابــــر
إحـنـه نـتـفـق وي صـاحب النظره ...اليقول حسين عنده العِبره و العبره
و مـوقـف كـربـلـه من نحجي و نذكره ...بالصوره الجميله لازم إنصوره
هـذا الـمـفـهـوم ...يـا نـاس إتقبله ... إنريد إنوصله ... ابموقف شرف
ذكـر الـمـظـلـوم ... بـالـعز يروينه ... و يوصل بينه ... الأفضل هدف
رغـــم الـــغـــــادر...و إحــنــه إنــكــابــــر
الـتـشـابيه و لطمنه و الطبر عالروس ...عشق هذا إبدمانه امن الزغر مغروس
و فضله اعله العقيده ابكل وكت ملموس ...شيعه إحنه و لبو اليمه نضحي إنفوس
هـاي الأصـوات ...لـمـن نـرفـعـهـا ... الكل يسمعها ...إبطول الزمن
أحـيـاء أمـوات ...ذكـره و نـحـيـيـهـا ... لو ننطيها ...غالي الثمن
ضـــد كــل جـــائــر...و إحــنــه إنــكــابــــر |
|
