ويــنــك   يـغـايـبـنـه طـال الصبر مولاي وشقد  صبرنه وشـقد  بعد عالضيم نصبر  يغايب حل  يومك و نرجاك تطلع  تحاسب مـا  نصبر  إعله اعتاب دمع  المناير سـامره  من  تنخاك يالبيها  حاضر هـاي  القباب إتصيح من فجروها نفس  الوعد  كل يوم بس ما بنوها بـينه  الذبح  لا زال و اعله  الهويه حـتـه الـطفل متهوم  بالرافضيه أصـبح  حلال  اليوم دم اليحبكم لـو  ما تجينه إتطول إيد  التضدكم جـف الحقد موجود و بكل  مدينه مـن يـحضر الطوفان إنتم  سفينه

ويــنــك   يـغـايـبـنـه يـبـن الـحسن يالبيك آخر أملنه حـته  الجبال إتطيح من  هالمصايب وشـمـا يطول الليل يطلع فجرنه ما نسكت امن الخوف لاجن  أوامر سل  سيفك إبيمناك و إعلن  نصرنه ثـارك  يـبو الثارات ما  حسبوها ما ندري من يا صوب ناخذ حذرنه و  الكل مكان إنروح نفس  القضيه ما  نخلص  من السيف لآخر  عمرنه صحنه العجل مولاي طول صبركم و  بـكـربلاء إتصير سامره  عدنه مـن كل جهات اليوم داروا  علينه و  بـهـمـة الـسفان نعبر بحرنه