أضف الموضوع
الشاعر السيد سعيد الصافي الرميثي - 12/12/2010م - 11:07 م | عدد القراء: 5280
ثـالـث يـوم إمـوسد جسمك ...فوق الغبره
و إمـخـضـب يـحـسين إبدمك... فوق الغبره
مذبوح إبمصرعك...ما واحد شيعك...فوق الغبره
أمـلاك الـسـمه يحسين مفجوعه و عليك إتحوم
و جـبـريـل الوحي اوياها ينعاك ابقلب مهموم
و الـجـن و الإنس يحسين كلها إتصيح يا مظلوم
لـيـش ابـلا دفن مطروح يبن الزهره ثالث يوم
يـا هـو الـعنده أوصاف العندك ... يبن الزهره
و إنـت الـهـادي مـحمد جدك ...يبن الزهره
يالطاهر مرضعك...ما واحد شيعك...فوق الغبره
إشـعـندهم من عذر لله العرفوا جدك و عرفوك
الـمـاي الصار مهر أمك من عنده العده حرموك
لـو نـفرض طلب عدهم و إبسيف الحقد ذبحوك
مـن بـعـد الذبح يحسين ليش ابلا دفن عافوك
مـا كـفـوهم قطعوا نحرك ... و إنت الضامي
بـخـيول الشر داسوا صدرك ...و إنت الضامي
و السهم اللوعك...ما واحد شيعك...فوق الغبره
مـن شـيـعتك كل زاير القبرك من يريد ايروح
يـذكر جسمك المسلوب الظل فوق الثره مطروح
و إبـلوعت قلب يسأل و بحسره و دمع مسفوح
يـبـن الـطـاهره يحسين ليش إمن القفه مذبوح
كـل حر يحسين اعله امصابك ... تجري إدموعه
يـصـرخ يـالـمسلوبه إثيابك ... تجري إدموعه
يالمقطوع إصبعك...ما واحد شيعك...فوق الغبره
إمـصابك ما جره يحسين و مثله ما سده ولا صار
رفـعـوا عـالرمح راسك و انت مهجة المختار
فـوق الـرمـح ما يدرون شالوا مصحف الجبار
عـلـى إعـيال النبي هجموا و شبوا بالمخيم نار
كـل ظـنـهـم قـطعوا أنفاسك ...يبن الهادي
إبـذكـر الـبـاري ايرتل راسك ...يبن الهادي
ويه الدم مدمعك...ما واحد شيعك...فوق الغبره
لـمـن بـالـسبي راحت إعيالك مشت مهضومه
يـبـن الـزهـره و الشمات مروهن على الحومه
يـخـوهـا و من على الناقه هوت زينب المظلومه
تـصـيح اعله الثره إبن أمي ليش امسلبه إهدومه
يـا حـامي إدخيلك جاوينك ... صاحت زينب
قـوم إتـعـنه الدفن حسينك ... صاحت زينب
و إشلون إتودعك...ما واحد شيعك...فوق الغبره
يـبـويـه صاحت إدخيلك علي يا حامي الجيران
ويـنـك يـالـطلعت إبليل متعني الدفن سلمان
شـبـلك مو بعيد إعليك يم طوع الإنس و الجان
مـرمـي حـسـيـن يا بويه ثالث يوم عالتربان
و الـمـنـك مـطـلـوب إتحضره ...يا والينه
و إتـلـم جـسـمه إتوسده إبقبره ... يا والينه
و إتسأله إشقطعك...ما واحد شيعك...فوق الغبره |
|
