عـرسك يا جاسم صار عرس المنايه ... ابذال الفرح أحزان يا بني و  رزايه عـرسـك  يـبـنـي ابـدال الـشـمـع... نـار و دمـع...  يبني يا  بني  ارضعت سنتين تشرب حناني ... و آنه اعقدت آمال يا بني و  أماني تـكـبـر و أشوفك شاب حلو المعاني ... و لجل العرس أيام أنطر و أتاني بعيوني ساكن طيف يا يمه وردي ... حنه و عرس و اشموع و الفرحه  تبدي طـيف  انعكس هاليوم تفسيره ضدي ... قلي على الأفراح يا رمله  ردي طـيف  العمر هاليوم وسفه تلاشه ... مثلك حصل عريس يوليدي  حاشه ارمـاح  و  نبل و أشفار دني وشباشه ... و اموسد الميدان و الثره  افراشه ثـوب  العرس أجفان و الفرحه ونه ... و دمك يا بعد الروح يوليدي حنه روح  اعتني  الفردوس روح و تهنه ... و دمك لبوك اهناك خذ صوغه  منه أخشه  يا روحي اعليك من تمر نسمه ... مر اعله نحرك سيف و الجره  دمه مـاتت  من  الآهات بشفافي بسمه ... جرح الجبد ملجوم و اشلون  أرهمه يـولـيدي يا جسام حاربني دهري ... و امقالب ويه البين يوليدي عمري و أتسامر ويه النوح سلوتي ابسهري ... و أتناحر ويه الضيم و يحز لي نحري ضـيـم الدهر بالعين صد لي و نظرني ... اتعنا لي بالنكبات و بأيده  جرني يـنـحـرنـي صار الضيم مثلك نحرني ... بس الصبر وياي هو الحضرني