أضف الموضوع
الشاعر السيد سعيد الصافي الرميثي - 09/01/2010م - 12:40 ص | عدد القراء: 9135
الـيـعرف مصابي يا شيعتي... ياخذ جوابي من دمعتي
دم و دمــــع هــلــيــت
عـلـي الـسـجاد أبو الباقر ... أنا يا شيعتي مظلوم
و انـا فـوگ الـمرض لني ... تگطع جبدي المسموم
و مـا ظل بالخلگ مثلي ... حمل ضيم و صبر و اهموم
و لا دمـعـي نشف ساعة ... من طف كربله و لليوم
و يـا جرح البعد يلتام ... و حيلي من المرض مهدوم
شحجي و شگولن عن محنتي ... لوعة مصابي لو حسرتي
دم و دمــــع هــلــيــت
اشـمـا اريـد الگلب ينسه ... حنين القلب ما يقدر
و الـضـيـم الـسـده اعلية ... شنسه منه شتذكر
و كـل لـحـظـة اليمر قلبي ... يقوم من الألم يشغر
عـفـانـي اشـلون اليَّ اعيون ... شافت ذبحة الأكبر
شـبـيـه المصطفى الهادي ... و مثل هيبة علي حيدر
قـمـت بـجـفـوفـي يا شيعة ... ألم بجسمه الموذر
و لـمـن حـطـنته يا لهفتي ... حيلي تهدم من ونتي
دم و دمــــع هــلــيــت
صـخـر مـا يـقـدر يحمله ... ضيم الذي اتحملته
و مـا ظـن شـافته كل عين ... مصاب بعيني الشفته
نـهـار الـعـاشـر بعاشور ... يوافيني الأجل ردته
ابـطـيـحـة عـمي العباس ... صبر العندي ودعته
لـون حـيـلي يساعدني ... شطت للعلقمي اقصدته
و مـجـان اجفوفه اقبلها ... و من عينه السهم زحته
لا أقـدر أنـزل من ناقتي ... بيدي السلاسل و برقبتي
دم و دمــــع هــلــيــت
جـثـيرة اجروح البگلبي ... شضَمد لا جرح و اثنين
حـيـن الـشـفـته متحير ... بالحومة ابوية احسين
أقـوم و مـا يـعـيـنني ... يا شيعة جلت الرجلين
و اشـوف بـسـم الـمثلث ... صارت جبدته نصين
و مـن رد الـمـهر خالي ... بعد ننطي الوجه لا وين
و اشـلـون أدافع عن عمتي ... مابية اقومن من علتي
دم و دمــــع هــلــيــت
لـون جـرح الگلب ينراف ... جرح اعيوني شيروفه
و فـوق الرمح راس احسين ... امخضب بالدمه اتشوفه
و زيـنـب بـت عـلي الكرار ... فوق الهزل مجتوفه
و الأصـعـب بـعد و اكلف ... حين الطبت الكوفة
و ا لـدار الـوصـي اتصد له ... دار التشهد اضيوفه
صـحـت و نخيته من حرقتي ... ادركني بوية و بحالتي
دم و دمــــع هــلــيــت
تـشـفـه اجروح البگلبي ... لو تشفه و صدق تلتام
يـظـل منها جرح ينزف ... و هذا الجرح جرح الشام
و يـظل كل و كِت يلجمني ... يهيّج الدمع و الآلام
شـفـت اعـيـال مـجتوفه ... أسيرة بولية الظلام
و مـن ضـرب السياط اتلوع ... أسمعها حرم و ايتام
عـقـب الـخـدر و الـهيبة ... يا وسفة بخرابة اتنام
جـنـي انوحن و بعلتي ... ظليت أنادي و ين اخوتي
دم و دمــــع هــلــيــت |
|
