انـت الـبـحـر و احنه اكَلوب عطشانه ... أنت الفجر و احنه اعيون سهرانه
ابــكــل شــهــقــة نــفــس نــلــكَــاك ويـانـه
يـحـسـيـن انـعـوفـك يـردونـه ... عـنـك هـيـهـات يـمنعونه
أنـت اعـيـونـه و احـنه الجفن يحسين ... هم شايف جفن يتفارق اويَ العين
طــالــت فــركِــتــك لا ســنــه و لا ســنــتــيـن
نـسـهـر و بـكـل نـجـمـه انـشـوفك ... أنت العين اشلون انعوفك
احـنـه اويـاك مـثـل الـعـمد ويَ الدار ... لو راح العمد تتهدم و تنهار
الـغـصـن لـو ذبـل ويـاه تـذبـل الأثـمـار
أنـت الـمـاي الـلـي تـرويـنـه
وافـانـه هـجـير العمر و أنت الفي ... نحب وصلك مثل حب العشب للمي
و احـنـه اويـاك مـثـل الـشـمـع ويَ الـضـي
لــو رادت ريــح اتـطـفـيـنـه
يمن قاعك شفه و تشفي العلل و الداي ... إنفتح بالغربه جرحي و شع علي ادواي
يـا روحــي و حـيـاتـي و أغـلـه مـن دنـيـاي
يـا الـسـاكــن مـا بـيـن اضـلـوعـي |
