» سلطان المجد و العزه معناك  » يا هله بزواري  » خليني الليله أفرح خليني  » ها يقلبي سافرت و الدنيه ليل  » هله بكلمن قصدنه  » إرتدي يا طوسُ ألوانَ السماء  » مو بس ابخراسان  » إمامي يا غريبَ الغُرباء  » ياللي قاصد للرضا وياك أريد  » جينه نهني و ننصب الزينه  

  
  • أضف الموضوع


  • الشاعر الأديب الحاج جابر الكاظمي - 02/01/2010 - 6:38 م | عدد القراء: 1382



    هــذا الــغــريــب الــمــظـلـوم صـرخـة هـضـم نـاداهـا
    ودع قــبــر جــده و راح و الــكــربــلــه  اتــعــنـاهـا

    اتـعـنـه الـقـبـر جـده ووقـف يـم قبره .... ايودع رسول الله و يبين أمره
    نـاده يـجـدي الـيوم حان المسره .... يم قبرك اضلوع احنيت جور الدهر أحناها

    جـيـت  أرد أودعـك و القلب مني ذاب .... انسدت ابوجهي اليوم كل  الأبواب
    أنظر الروس اعليها تحكم أذناب .... حاشاها روحي اعله الضيم ترضه و تذل حاشاها

    أمـتـك يـا جـدي ارتـدت ثـوب الجور .... أصبح حكمها ابجف يزيد المغرور
    مـا  غـيري يصنع نهضه ما غيري ايثور .... بالثوره منسوجه اثياب ما غيري  يترداها

    الـواجـب  الـشـرعـي صـاح و استدعاني .... أنهض و أعرض للأجل  شرياني
    صـوت  الشرع  يستصرخ و ينخاني .... خيم عله الناس الجور و من الرعب  أضناها

    و  مـا  بـيـن مـا لـلـهادي يحسب آلام .... غمضت اعيونه و يم قبر جده نام
    لـن  ينظر  المصطفه ابوادي الأحلام .... يجري الدمع عالخدين من مهجته و  شجواها

    ايـنـاديـه يـبـنـي يـالـتـضحي ابعمرك .... لا ترهبك يحسين قطعت  نحرك
    عـجـل الـمـسـره و بـالخلد أنتظرك .... مشبوحه عيني الملقاك و الجيتك أتناها

    إرزم  اظـعـونـك يـبـنـي و الموعد صار .... هاي أمك الزهره و أبوك  الكرار
    و  هـذا  الحسن عالدرب شابح أنظار .... ابجنة عدن يا مظلوم بإسمك صبح شدواها

    فـز  أبـو الـيـمـه و بـالإبـه اسـتـرجع .... شيبته ابتلت من مسيل  المدمع
    جـده الـنـبـي أخبر ابذاك المصرع .... حالة سليل لبمختار تنسف جبل  رضواها

    ابـدمـع الـجـفـن ودع قبر جده و راح .... صوت العداله بإسم ابو اليمه صاح
    غـايـاتـه تـهدف للعدل و الإصلاح .... لإهل الشرك و الطغيان بالعزم  يتصداها



    القصائد الولائية © 2004 - 2013