أضف الموضوع
الشاعر السيد سعد الذبحاوي - 17/12/2009م - 3:14 ص | عدد القراء: 4080
ويـاكـم إخـذونـي بـويـه يـا بويه...و جنكم تودعوني بويه يا بويه
شـفت امن اوجب الحادي...على داري أسمع اينادي...حس بالغربه دلالي
بـيـكـم ويـن أبويه ايريد...و يقطع كل فيافي البيد...يا غربتي و يا حالي
وحـشـه إتـظل خليه الدار...لو حادي ظعنكم سار...دار العز يظل خالي
إبـهـمـي تـعـوفـونـي بـويه يا بويه...ووحدي تخلوني بويه يا بويه
حادي اللي سره ابها الليل...و من الوطن قصده ايشيل...امودع يا ظعن بالله
تـالـي و ريـض أترجاك...خذت سلوت حياتي اوياك...و ريحانتي عبدالله
خـلـيـنـي اودعـهـم...و اشبع شوف من عدهم...بخوتي هاللةٍ هالله
لالا تـلـومـونـي بـويـه يـا بـويه...و من هلت إعيوني بويه يا بويه
أخـيـر اوداع ويـاكم ...اشيصبرني اعله فرقاكم...عليله و قلبي شيصبره
عـله ادروب السفر ظليت...لظعون الأهل تانيت...أشو جن طالت السفره
لا طـارش ولا مكتوب...و ما أدري ابيا صوب...اعله باب الدار منتظره
رحـتـوا و نـسـيـتـونـي بـويه يا بويه ...يمته تذكروني بويه يا بويه
ابفكري الداريات اتهوش...و تحصد من دليلي إهروش...و لا سلوه التسليني
قـلت هم ترجع الغياب...و ابويه ايدق عليه الباب...و إبوجهه أفك عيني
لـيـالي امساهره و ما نام...و عله جفني تمر أحلام...و لرض الطف توديني
مـحـتـاره بـظـنـونـي بـويه يا بويه ...ابعبدالله خبروني بويه يا بويه
يـبـويـه و أيـسـت تالي...و منكم خابت آمالي...و ما بيكم بعد جيه
أسـحـل قـمـت بـجذامي...يبويه و قربت أيامي...نحيله و حيل ما بيه
قـلـت لـو آنـه أتـأخـر...أودي لج علي الأكبر...و عيني ظلت إربيه
تـالـي نـسـيـتـونـي بـويـه يا بويه ...جنكم تودعوني بويه يا بويه
بـحـزام الـمرض و الهم...عمري إخلافك اتحزم...يدنى لي الأجل يا ريت
رسـالـه من قلب مفجوع...يا بويه حبرها إدموع...بفراش المرض وديت
مـكـتـوبـي لون يلفيك ...شوقي ما أظن يخفيك...يحسين اشكثرحنيت
و مـا ظـن تـشـوفـونـي بويه يا بويه ...مطروحه تلقوني بويه يا بويه |
|
