مـــن طـــلع ظعن الهــواشم طـــفله عـــافوا بالمدينه تـــصرخ ابـــصوت النــوايب وين ابويه حسين وينه * * * رفــرف جــــناح المــنـــيه وعــــرّجت عيـــلة الهادي ســـارت ابظعن الشــــهاده وبـــالظعن طــوّح الحادي عـــافوا الــطــفله العـــليله وعالظعن ظـــلت تـــنادي ويـــن رايـــد بـــالمحامل ويـــن يــــا حــدي الظعـينه * * * فـــاطمه الــطــفله العـــلـــيله بـالمرض ذايب جسمها وطـــلع ظــعــن الاهـــل عـــنها لكــربله وازداد همها ظـــلـت الطـــفله وحـــيده لا ولـــي ولا اخـــوه يـــمها والگـــلب تــســتعر نـــاره وذايـــب ابجــمـــرة ونينه * * * حـــين ســـار الظــــعن عـــنها فــــگدت الطفله املها تــــنظر ديـــار الــنـبوه خــــاليه وهـــاجت عـــلــــلها اتــــحوم بـــاطراف المـــدينه ومـــا تلمها ديار اهلها غــــابت ابــــدور الســـعاده وظـــلت الطـــفله حزينه * * * اشلون صيحه الطفله صاحت وين ابويه اليجلي همي ويــــن الاكــبر ويــــن جـــاسم وين صار الگمر عمي لــــيش عــافوني وحيده ليـــش مـــا ظـــل والـي يمي خـــيـــمت ســــود الــــليالي والـــدهر جـــارت سنينـه * * * حــايره ابـــوليه زمــــاني والگــــلب بـــالهـــم تـفطر ويـــن ابــويه الــگال عمــچ واخـــوتچ بالشده تحظر لا گـــمر هـــاشم لفـــاني ولا وصـــلــني عــلي الأكبر واللـــذي مـــوعود تـبگه اعله الدرب مشبوحه عينه * * * انـــگـــطعت آمــــالي ابسـفركم يا هلي وانفجع گلبي طــــال مــــوعدكم وعــــيني ظــلت اعله الدرب تربي ولــــو ردت انشد واعاتب مــن يـجاوبني اعله عتبي بـــالمدينه عـــفــتوا جســـمي وروحــي وياكم رهينه * * * يـــا هـلي ابمسره الهوادج روحي ويه الظعن سارت وعلى فـــراش الـمرض جسمي والمنيه عليه شارت والمصيــــبه استـــوحدتني والمـــحن والـدنيه جارت والچـــبــد بـــاللوعه ذايـــب مـــن اثــره جمره حنينه * * * حـــگـــها مـــا تـــدري ابــوها اتوذر وذبحوا انصاره ولا درت جــــثـــه الاكــــبر عـــاترب دمـــها ايـتجاره ولا درت جـــســام طــــفّوا شـــمـعته ابوسط المعاره ولا درت بــــدر الهـــواشم گطـــعوا ايـــساره ويمينه * * * الامـــل كــــل الامـــل عـــدها بــالظعينه حسين يرجع تــــدري حـــي والـــيها لاچـــن طـود همتها تضعضع اشــــلون لــو تـــسمع شمـــلها ابــديرة الغربه توزع اشـــلون لـــو شـــافت ابـــوها بـــالسيوف امگطعينه * * *