بـلـوعـتـهـا و حزنها .... حضرت يم  ابنها حـزينه  فاطمه  اليوم .... غدت يم الرضه  اتحوم حـــضـــرت يــم ابــنــهــا *** مـثلما حضرت و شافت ابنها الحسن حين  انسم و مـثلما شاهدت بالطف وريد احسين ينزف  دم تـعنت  للرضه الزهره و حضرت بالنحب و  الهم تـشـوفه  اينازع بروحه و تكطع جبده و اتخذم و بـجـمـرة كـسرها .... طلعت من  كبرها بـدمع يتسافح ادموم .... غدت يم الرضه  اتحوم ** تـكـلـه يـبـني هاي آنه الوديعه فاطمه  أمك إجيتك  من أرض طيبه لرض طوس احضرت  يمك إجـيـت و شـفـتك اكبالي تلوج بنايبة  سمك يـبني  و من شفت هالحال تذكرت الحسن  عمك و  اتـفـطـر جـبدها .... من ذكرت  ولدها بـكلب  يتناثر  اهموم .... غدت يم الرضه اتحوم *** جفنها  اعله الرضه اتناثر جمر جن مو جفن  بركان تـكـله  يا غريب الدار بدار الغرب موتك  حان مـوأول غـريـب إنـته كبلك جدك  العطشان ولـوه  بكربله و أصبح غريب الأهل و  الأوطان لـوعـات  و مـصـايب .... آهات و  نوايب ذبـيح  و هذا مسموم ....غدت يم الرضه  اتحوم ** تـنوح اعله الرضه و تبجي تحن بنت النبي  المختار غدت  مثل الحمامه اتحوم اعله جثة عاشر  الأطهار انـعادت  كل  مصايبها و ذكرت دفع باب الدار مـثل سم الرضه و ناره غدت تدوي بكلبها النار كـل جـمـرة بـعـلامـه .... شتفيد الملامه عكب ما تركت اللوم .... غدت يم الرضه  اتحوم *** تـكـلـه  يـالرضه  بفقدك جمر بحشاي  وجرته يبني  و  كلكم اولادي و كل اللي كضه احضرته لـبـوك  الـكاظم اتعنيت و بذاك السجن  زرته و يـوم الـلـي لفاه الموت أحس بمهجتي  ادفنته بـهـالـحـالـه الـحزينه .... جيت من المدينه بـحزن عالمهجه مرسوم.... غدت يم الرضه اتحوم ** ضحايه و كلكم اولادي فرق ما عندي يا الأولاد أحن اعله الحسن مره و أحن مره اعله ابو  السجاد و  عـالـصـادق و عالباقر و أنوح الزينة  العباد و مـره أبـجي على الخلوه مرهون بسجن بغداد يـا آخـر بـنـيـنـي .... هـاك اسمع ونيني الـمدامع جنهن انجوم .... غدت يم الرضه اتحوم ***